तान्जानियामा अविरल वर्षापछि आएको बाढीका कारण १५५ जनाको मृत्यु, २३६ घाइते

विश्व

नेपाल लाइभ शनिबार, वैशाख १५, २०८१ १५:०५

काठमाडौं– तान्जानियामा जारी मुसलधारे वर्षाका कारण आएको बाढीका कारण १ सय ५५ जनाको मृत्यु भएको छ भने २३६ जना घाइते भएका छन्।

प्रधानमन्त्री कासिम मजलिवाले संसदमा यसबारेमा जानकारी दिए। मुख्यभूमि तान्जानियाका २६ मध्ये १४ वटा क्षेत्रमा आँधीपछि आएको बाढीले २ लाख मानिसहरूलाई असर गरेको र १० हजार घरमा क्षति पुगेको जानकारी दिए।

विद्यालयको पूर्वाधार, खेतबारी, सडक, पुल, स्वास्थ्य संस्था र पशुपंक्षी बाढीबाट प्रभावित भएको उनले बताए। सरकारले बाढीबाट गम्भीर रूपमा प्रभावित क्षेत्रमा विद्यालय बन्द गर्ने आदेश जस्ता थप प्रकोपकारी अवस्थाहरू रोक्नको लागि कदम चालेको मजलिवाले बताए।

तान्जानिया राष्ट्रिय सडक एजेन्सी, तान्जानिया ग्रामीण र शहरी सडक एजेन्सी, र तान्जानिया रेलवे कर्पोरेसनलाई तुरुन्तै मर्मतसम्भारका लागि क्षतिग्रस्त सडक र रेलमार्गहरूको तत्काल मूल्याङ्कन गर्न आदेश दिइएको छ।

तान्जानिया मौसम विज्ञान प्राधिकरणका अनुसार एल–निनो अवस्थाबाट प्रभावित भारी वर्षा मे महिनासम्म रहने अपेक्षा गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति

निर्मला पन्त प्रकरण : गाली बेइज्जती मुद्दामा पत्रकार भण्डारीलाई एक महिना कैद