काठमाडौं– किसान देशका मेरुदण्ड हुन्। तर आज कसैले पनि किसान भनेर गर्व गर्नसक्ने अवस्था छैन। कृषिमा आबद्ध भएर सहज जीवन जिउन मुस्किल छ। विदेश जानको लागि लागत जुटाउन जति सजिलो छ कृषिको लागि त्यति नै कठिन छ।
कारण कृषिप्रतिको अविश्वास तथा व्यवसायी कृषि प्रणालीको अभाव हो। अर्को कुरा सरकारको उदासिनता पनि। किसान लाखौं लगानी गर्छन्, वस्तु उत्पादन गर्छन् । तर वस्तुको बजार सिमित छ। निर्यातको राम्रो व्यवस्था छैन। वस्तु कुहिन्छ, लगानी डुब्छ। सरकारलाई कुनै मतलव छैन। गर्मी सुरु भएको छ। गर्मीबाट बच्ने उपाय खोजिरहँदा काँठ क्षेत्रका किसान भने यतिबेला कामको चटारोमा छन्।
लगाएका खेतीपाती उठाउने र सिजनअनुसारको नयाँ खेती लगाउने चटारोमा छन् किसान। तोरी खेती उठाउने र अर्को खेती लगाउन मल बोक्ने किसान काँठ क्षेत्रमा भेटिन्छन्। हुनतः खेतीपातीको काम गर्ने किसानलाई गर्मी र जाडोको छुट छैन।
समयमा गर्नु परिहाल्छ नै। असरल्ल काम छोडेर गर्मी र जाडो भन्दै बस्ने छुट किसानलाई हुँदैन। बरु लगाएको खेतीपाती समयमै भित्र्याएर नयाँ सिजनको खेती गर्नमै किसान रमाउँछन्। यतिबेला उनीहरुलाई नयाँ वर्षको रमझम भन्दा खेतीपाती नै प्यारो छ। आजको फोटो फिचरमा न्युज एजेन्सी नेपालका फोटो पत्रकारले कैद गरेका कामको चटोरोले ब्यस्त काँठ क्षेत्रका किसान र कृषिका यी तस्बिरहरु।
-1712379099.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
