राष्ट्रिय सभा अध्यक्ष दाहाल र गणतन्त्र कोरियाका राजदूतबीच शिष्टाचार भेट

राजनीति

नेपाल लाइभ बुधबार, चैत ७, २०८० १६:५०

काठमाडौं– राष्ट्रिय सभा अध्यक्ष नारायण प्रसाद दाहालसँग नेपालका लागि गणतन्त्र कोरियाका राजदूत पार्क ताए–योङले शिष्टाचार भेट गरेका छन्।

सिंहदरबारस्थित राष्ट्रिय सभा अध्यक्षको कार्यकक्षमा मंगलबार भएको शिष्टाचार भेटमा दुई देशबीचको सम्बन्ध र कोरिया–नेपालबीचको सहयोगलाई अझ प्रगाढ बनाउने विषयमा छलफल भएको थियो।

सो अवसरमा राष्ट्रिय सभा अध्यक्ष दाहालले नेपाल र कोरियाबीचको कूटनीतिक सम्बन्ध स्थापनाको ५० वर्ष पूरा भएको चर्चा गर्दै आगामी दिनमा पनि दुई देशबीच आर्थिक विकास, रोजगारी लगायत जनस्तरसम्मको सहयोग आदान प्रदान थप घनिष्ट हुनेमा विश्वास व्यक्त गरे।

संघीय संसदले नेपाल–कोरिया संसदीय मैत्री समूह गठन गरिरहेको उल्लेख गर्दै अध्यक्ष दाहालले संसदीय मैत्री समूहमार्फत् दुई देशका सांसदहरुबीच संसदीय अनुभव र अभ्यास एक अर्कामा आदान प्रदान गर्न सहज हुने बताए।

‘हामीले संघीय संसदको तर्फबाट नेपाल(कोरिया संसदीय मैत्री समूह गठन गरेका छौं’, अध्यक्ष दाहालले भने, ‘संसदीय मैत्री समूहले गठनले दुई देशबीचको पारस्परिक सम्बन्धलाई थप प्रगाढ बनाउनुका साथै संसदीय अभ्यास र अनुभव आदान प्रदानमा विशेष भूमिका खेल्ने मैले विश्वास लिएको छु।’

भेटमा नेपालका लागि गणतन्त्र कोरियाका राजदूत पार्कले कोरिया–नेपाल कूटनीतिक सम्बन्ध स्थापनाको ५०औं वर्षगाँठले दुई देशबीचको सम्बन्धलाई थप सुमधुर बनाउन सहयोग पुर्‍याउने बताए।

उनले नेपालको आर्थिक विकास र समृद्धिका लागि कोरिया सरकारले विशेष प्राथमिकता दिने पनि उल्लेख गरे। भेटमा राजदूत पार्कले नवनिर्वाचित राष्ट्रिय सभा अध्यक्ष दाहाललाई समकक्षी गणतन्त्र कोरियाको राष्ट्रिय सभाका सभामुख किम जिन प्योले पठाउनु भएको शुभकामना सन्देश सुनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मानव बेचबिखन कार्यमा सलंग्न ४ जना पक्राउ

यू–१९ विश्वकप फाइनलः उपाधिका लागि भारत र दक्षिण अफ्रिका भिड्दै

ट्र्याक्टर दुर्घटनामा सहचालकको मृत्यु