काठमाडौं- नेकपा (माओवादी केन्द्र) का सांसद महिन्द्र राय यादवले कांग्रेससँगको माओवादीको गठबन्धनमा गोत्र नमिलेको टिप्पणी गरेका छन्। बुधबार प्रतिनिधि सभाको बैठकमा बोल्दै उनले कांग्रेससँगको गठबन्धन अप्राकृतिक रहेको दाबी पनि गरे।
उनले कांग्रेससँग माओवादीले गठबन्धन गर्दा चुनावमा २० सिट माओवादीलाई कम परेको पनि दाबी गरे। नेपाली कांग्रेस अहिले पनि यथास्थितिवादी पार्टी भएको भन्दै उनले वैचारिक र सैद्धान्तिक रुपमा अग्रगामी पार्टी माओवादी केन्द्र रहेको बताए।
‘मंसिर ४ मा गठबन्धन बन्दा नेपाली कांग्रेस र नेकपा (माओवादी केन्द्र) को बीचमा कुनै लिखित दस्तावेज, साझा घोषणापत्र थियो?,’ प्रश्न गर्दै उनले भने, ‘एउटा विश्वासको भरमा त्यो चुनावमा माओवादी सहभागी हुँदा विगतको भन्दा २० सिट कम माओवादीलाई भएको छ। नेकपा माओवादी केन्द्रसँग उहाँहरुले जुन गठबन्धन बनाउने प्रयास गर्नुभयो त्यसबाट पनि माओवादीलाई धोका भएको छ।’
वैचारिक र सैद्धान्तिक रुपमा अग्रगामी पार्टी माओवादी र नेपाली कांग्रेस अहिले पनि यथास्थितिवादी पार्टी भएको दाबी गरे। उनले भने, ‘उहाँहरुको अहिले पनि गतिविधिले यथास्थितिबाट मुलुकलाई परिवर्तनतिर लैजान तयार छैन।’ अहिलेको गठबन्धन वैद्धारिक र सैद्धान्तिक हिसावले देशको आवश्यकता भएको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
