सरकार र आरती साहको परिवारबीच सहमति

राजनीति

नेपाल लाइभ बुधबार, फागुन ३०, २०८० ०७:००

काठमाडौं- सरकार र आरती साहको परिवारबीच सहमति भएको छ। उपप्रधानमन्त्री एवं गृहमन्त्री रवि लामिछानेको उपस्थितिमा लामो समयदेखि आन्दोलनमा रहेका साहका परिवारसँग सहमति गरिएको हो।

सहमतिपत्रमा सरकारको तर्फबाट गृह मन्त्रालयका अधिकारी र साहका तर्फबाट ३/३ जनाले हस्ताक्षर गरेका छन्। सहमतिपछि साहको परिवारले लामो समयदेखि जारी आन्दोलन फिर्ता लिएका छन्।

सहमतिमा आरतीको हत्याबारे नेपाल प्रहरीको केन्द्रीय अनुसन्धान ब्यूरो (सीआईबी) ले फेरि अनुसन्धान गर्ने उल्लेख छ। उक्त अनुसन्धानबाट प्राप्त प्रमाणका आधारमा पुन:अभियोजन गर्ने र परिवारलाई आर्थिक सहयोग उपलब्ध गराउन पहल गरिने पनि सहमति भएको छ।

सहमतिका क्रममा गृहमन्त्री लामिछानेले साहका परिवारलाई न्याय दिलाएर छाड्ने प्रतिबद्धता जनाए। गृह मन्त्रालयमा राति भएको सहमतिपछि गृहमन्त्री लामिछानेले अब सरकार न्याय दिने बाटोमा अघि बढेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज