काठमाडौं– राष्ट्रिय प्रजातन्त्र पार्टीले आफ्नो काठमाडौं केन्द्रित आन्दोलन सरेको छ। चैत १६ गते गर्ने भनिएको काठमाडौं केन्द्रित आन्दोलन अब २७ गतेका लागि सरेको हो।
पार्टी कार्यालय धुम्बाराहीमा सोमबार बसेको केन्द्रीय कार्यसम्पादन समिति बैठकले एसईईका कारण काठमाडौं केन्द्रित जनप्रदर्शनसहितको आन्दोलन चैत २७ गते गर्ने निर्णय गरिएको अध्यक्ष राजेन्द्र लिङदेनले जानकारी दिएका छन्।
बैठकले वर्तमान सत्ता गठबन्धनमा सहभागी नहुने औपचारिक निर्णयसमेत गरेको छ। प्रधानमन्त्रीलाई विश्वासको मत दिने क्रममा विपक्षमा मत दिने निर्णय गरिएको हो।
यस्तै प्रदेश सरकारमा पनि तत्काल सहभागी नहुने र समर्थन गर्नुपर्ने अवस्था आए पार्टी अध्यक्षले उपयुक्त निर्णय लिनसक्ने निर्णय गरिएको छ।
यी हुन् राप्रपाका निर्णयहरु
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
