सुदूरपश्चिममा मुख्यमन्त्री शाहद्वारा पाँचौंपटक मन्त्रीमण्डल विस्तार

राजनीति

नेपाल लाइभ सोमबार, फागुन २८, २०८० १७:४८

कैलाली– सुदूरपश्चिम प्रदेशका मुख्यमन्त्री कमलबहादुर शाहले पाँचौं पटक आज मन्त्रीमण्डल विस्तार गरेका छन्। नागरिक उन्मुक्ति पार्टीका प्रदेश सभा सदस्य लक्ष्मण किशोर चौधरीलाई मन्त्री बनाउँदै पाँचौंपटक सरकार विस्तार गरेका हुन्।

यसअघि मुख्यमन्त्री शाहले सरकार जोगाउन उन्मुक्तिका तीन जनालाई मन्त्री तथा राज्यमन्त्रीमा नियुक्त गरेका थिए। आजनै नवनियुक्त मन्त्री चौधरीले प्रदेश प्रमुख देवराज जोशीबाट पद तथा गोपनियताको शपथ लिएका छन्।

शाहले नागरिक उन्मुक्ति पार्टीका संसदीय दलका नेता धनश्याम चौधरी आर्थिक मामिला मन्त्री, ईन्द्र गिरी भूमि व्यवस्था कृषि तथा सहकारी राज्यमन्त्री र खुशीराम चौधरीलाई विना विभागिय मन्त्रीमा नियुक्त गरेका थिए।

मुख्यमन्त्री शाह सरकार जोगाउन स्वतन्त्र प्रदेश सभा सदस्य तारा जोशी र राष्ट्रिय प्रजातन्त्र पार्टीका प्रदेश सभा सदस्य खेमा विष्टको समर्थनका लागि दौडमा छन्। शाहलाई स्वतन्त्र प्रदेश सभा सदस्य जोशीले विश्वासको मतपछि सरकारमा जाने प्रतिक्रिया दिएको उनको सचिवालयले जानकारी दिएको छ।

साथै राप्रपाकी प्रदेश सभा सदस्य विष्टले सरकारमा नगए पनि मुख्यमन्त्री शाहलाई विश्वासको मत दिने बताइएको छ। शाहले ३० गते विश्वासको मत लिने गरी मन्त्रीमण्डल विस्तार साना दलहरूको साथ र सहयोग लिन छलफल र भेटघाट गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उमा गौरी सहकारी संस्थाका अध्यक्ष पुर्पक्षका लागि जेल चलान

तिलगङ्गा नेत्र विश्वविद्यालय विधेयक, २०८१ सम्बन्धी प्रतिवेदन राष्ट्रियसभामा पेस

नेपालको लगातार तेस्रो हार, नेदरल्यान्ड्ससँग १५ रनले पराजित