दिलकुमारी, रमेशजंग र अनिता देवकोटाले सरकारलाई फिर्ता गरे सवारीसाधनसहितका सेवा सुविधा

राजनीति

नेपाल लाइभ आइतबार, फागुन २७, २०८० १६:४२

काठमाडौं– राष्ट्रिय सभाका तीन जना निःवर्तमान सदस्यहरुले राष्ट्रिय सभामा पदीय हैसियत प्राप्त गरेका सवारीसाधनसहितका सेवासुविधाहरु सरकारलाई फिर्ता गरेका छन्।

सेवासुविधा फिर्ता गर्ने तीन जना पूर्वसदस्यहरुमा नेकपा एमालेबाट राष्ट्रिय सभा सदस्य बन्नुभएकी पूर्व सदस्य दिलकुमारी थापा रावल (पार्वती) हुन्। उनी राष्ट्रिय सरोकार तथा समन्वय समितिकी पूर्वसभापतिसमेत थिइन्।

त्यस्तै सेवासुविधा सरकारलाई फिर्ता गर्नेमा नेपाली कांग्रेसबाट राष्ट्रिय सभा संसदीय दलका नेता बनेका रमेशजंग रायमाझी र कांग्रेसबाटै राष्ट्रिय सभा प्रमुख सचेतक बनेकी अनिता देवकोटा हुन्। राष्ट्रिय सभा सदस्यको आफ्नो कार्यकाल सकिएसँगै सरकारबाट प्राप्त सवारीसाधनसहितका लिएका सबै सुविधा फिर्ता गरेका हुन्।

सवारीसाधनसहित सेवा सुविधा संघीय संसद सचिवालय सिंहदरबारमा फिर्ता गरिसकेपछि कुरा गर्दै नेतृ दिलकुमारी थापा रावल पार्वतीले संसदको पदाधिकारीको हैसियतले कानुनसम्मत रुपमा प्राप्त भएको सेवा सुविधाहरु पदावधि सकिएको समयसीमा भित्र राज्यलाई फिर्ता गरेको बताइन्।

त्यस्तै नेता रमेशजंग रायमाझीले राष्ट्रिय सभामा पदीय हैसियत प्राप्त गर्दैगर्दा पाएका सेवा सुविधाहरु आफ्नो कार्यकाल समाप्त भएसँगै बुझाएको बताए। त्यस्तै नेतृ अनिता देवकोटाले संवैधानिक र कानुनअनुसार प्राप्त पदाधिकारीहरुको सेवा सुविधाहरु आफ्नो कार्यावधि सकिएपछि राज्यलाई फिर्ता गरेको बताइन्।

गत फागुन २० गतेबाट राष्ट्रिय सभाका २० जना सदस्यको कार्याकाल सकिएको थियो। जसमध्ये रावल, रायमाझी र देवकोटाको पनि कार्यकाल सकिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उमा गौरी सहकारी संस्थाका अध्यक्ष पुर्पक्षका लागि जेल चलान

तिलगङ्गा नेत्र विश्वविद्यालय विधेयक, २०८१ सम्बन्धी प्रतिवेदन राष्ट्रियसभामा पेस

नेपालको लगातार तेस्रो हार, नेदरल्यान्ड्ससँग १५ रनले पराजित