काठमाडौं- गृहमन्त्री रवि लामिछानेले आफू सरकारमा कामकाे चेकलिष्टसहित आएकाे तर केही समय हाेमवर्कमै रहेकाे दाबी गरेका छन्। बुधबार मात्रै उपप्रधान तथा गृहमन्त्रीको शपथ लिएका रवि लामिछानेले यस्ताे दाबी गरेका हुन्।
गृहसहित चार मन्त्रालय लिएर प्रधानमन्त्री पुष्पकमल दाहाल प्रचण्डको नेतृत्वको सरकारमा गएपछि लामिछाने आफूसहित सबै मन्त्रीहरु चेक लिस्टसहित आएको दाबी गरेका हुन्।
राष्ट्रिय स्वतन्त्त्र पार्टीवाट लामिछानेकाे नेतृत्वमा विराजभक्त श्रेष्ठ, सुमना श्रेष्ठ र डिपी अर्याल सरकारमा सहभागी भएका छन्।
उनले फेशबुकमा लेखेका छन्, ‘चेक लिस्टसहित आएका छौं। कम्प्रोमाइज हुन्न। केही समय होमवर्कमा रहनेछौं।’
कांग्रेस नेतृत्वको गठबन्धन भत्किएर नयाँ समीकरण बनेपछि रास्वपाले गृह, श्रम, शिक्षा र युवा तथा खेलकुद मन्त्रालय लिएर सरकारमा भएको छ। रास्वपा प्रचण्ड सरकारमा गएको भन्दै आलोचना भइरहेको बेलामा उनले कम्प्रोमाइज नहुने बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
