गठबन्धन फेरेकोमा प्रधानमन्त्रीप्रति कांग्रेसको कटाक्ष- जनमतको घोर अपमान

राजनीति

नेपाल लाइभ बिहीबार, फागुन २४, २०८० १३:२५

काठमाडौं- नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाल प्रचण्डले गठबन्धनको मूल्य र मान्यतालाई भत्काएर, गठबन्धनमा भएका सहमतिहरू तोडेर, एकतर्फी रुपले, अविश्वसनीय ढंगले गठबन्धन तोडेको बताएका छन्।

बिहीबारको प्रतिनिधि सभामा बोल्दै उनले प्रधानमन्त्रीको कदम संघीय लोकतान्त्रिक गणतन्त्रात्मक व्यवस्थाका विरुद्ध मात्रै कुठाराघात भएको पनि बताए। उनले भने, ‘जनताका बीचमा गरेका वाचाहरू, नेपाली जनताका बीचमा बोलेका बचनबद्धताहरू, ती प्रतिज्ञाहरूलाई बेवास्ता गर्दा नेपाली कांग्रेसका प्रति मात्रै बेवास्ता होइन, नेपाली कांग्रेसका प्रति मात्रै विश्वासघात होइन। यो संविधान, संघीय लोकतान्त्रिक गणतन्त्रात्मक व्यवस्थाका विरुद्ध मात्रै कुठाराघात होइन।’

‘गएको निर्वाचनमा जनताका बीचमा प्रतिबद्धता व्यक्त गरेर अहिले यसरी गठबन्धन भत्काउने भनेको यो जनमतको पनि घोर अपमान हो भन्ने हाम्रो ठहर छ’, लेखकले भने।

उनले कांग्रेसको संसदीय दलको बैठकले प्रधानमन्त्रीलाई भनेको राजनीतिक बेइमानी भन्ने निर्णयको पनि बचाउ गरे। भने, ‘यसरी नेपाली जनताको जनमतको अपमान गर्दै कपोलकल्पित कथाहरू, तथाकथित कारणहरू, सानातिना मुद्दाहरू उचालेर आफ्ना जिम्मेवारीहरूबाट भाग्ने, गठबन्धनलाई भत्काउने र अविश्वसनीय काम गर्ने जुन काम गरियो, त्यसलाई हामीले कठोरतापूर्वक, निर्ममतापूर्वक राजनीतिक विषय भएको हुनाले भन्नैपर्‍यो, यो राजनीतिक बेइमानी हो। भनिएको हो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाथीभरा केवलकार निर्माण विवादः समस्या समाधान गर्न वार्ता टोली गठन

आज वसन्त पञ्चमी, विद्याकी देवी सरस्वतीको पूजा गरि मनाइँदै

उमा गौरी सहकारी संस्थाका अध्यक्ष पुर्पक्षका लागि जेल चलान