नवनियुक्त मन्त्रीहरुको शपथ सर्‍यो, ५:४५ बजे हुने

राजनीति

नेपाल लाइभ बुधबार, फागुन २३, २०८० १७:३३

काठमाडौं- नवनियुक्त मन्त्रीको शपथ आज साँझ पौने ६ बजे राष्ट्रपति कार्यालयमा हुने भएको छ।

राष्ट्रपति कार्यालयले अहिले साँझ पौने ६ बजे प्रधानमन्त्री पुष्पकमल दाहाल ‘प्रचण्ड’ नेतृत्वको सरकारका नवनियुक्त मन्त्रीको पद तथा गोपनीयताको शपथ समारोहमा उपस्थितिका लागि अनुरोध गरेको छ।

प्रचण्ड नेतृत्वको सरकारमा नेकपा (माओवादी केन्द्र)बाट उपप्रधानमन्त्री तथा परराष्ट्रमा नारायणकाजी श्रेष्ठ, सञ्चार तथा सूचना प्रविधिमा रेखा शर्मा, ऊर्जामा शक्तिबहादुर बस्नेत, अर्थमा वर्षमान पुन मन्त्री बन्दै छन्।

हितबहादुर तामाङले भने मन्त्री पदको शपथ लिइसकेका छन्। नलाई पर्यटन मन्त्रालयको जिम्मेवारी दिने तयारी छ।

नेकपा (एमाले) बाट रघुवीर महासेठको नेतृत्वमा पदम गिरी, ज्वालाकुमारी साह, दामोदर भण्डारी, भगवती चौधरी, हरि उप्रेती र राजेन्द्र राईले मन्त्री पदको शपथ लिनेछन्।

राष्ट्रिय स्वतन्त्र पार्टी (रास्वपा) बाट उपप्रधानमन्त्री तथा गृहमन्त्री रवि लामिछाने, श्रम रोजगार तथा सामाजिक सुरक्षामा डोलप्रसाद अर्याल, शिक्षा विज्ञान तथा प्रविधिमा सुमना श्रेष्ठ, युवा तथा खेलकुदमा विराजभक्त श्रेष्ठले शपथ लिनेछन्।

जनता समाजवादी पार्टी (जसपा) र नेकपा (एकीकृत समाजवादी) पार्टि भने आजको मन्त्रिपरिषद विस्तारमा सहभागी नहुने भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारत लैजान लागेका ६ किशोरीको उद्धार

ला लिगामा बार्सिलोनाले अलाभेसलाई हरायो

आजको मौसमः तराईमा हुस्सु र कुहिरो, पहाडी भागमा सामान्यतया सफा रहने