१५ वर्षीय किशोरीको हत्या गरी फरार रहेका चौधरी पक्राउ

सुरक्षा/अपराध

नेपाल लाइभ मंगलबार, फागुन २२, २०८० १९:४५

काठमाडौं- १५ वर्षीय किशोरीलाई हत्या गरी फरार रहेका एक व्यक्तिलाई प्रहरीले पक्राउ गरेको छ। पक्राउ पर्नेमा बाराको जितपुर सिमरा उपमहानगरपालिका बस्ने धिरेनकुमार खाँ चौधरी रहेका छन्।

खोटाङकी १५ वर्षीया ज्ञानकुमारी राई (संजना)को हत्या गरी फरार रहेका चौधरीलाई मंगलबार पूर्वपश्चिम राजमार्गमा पर्ने भाउन्नेको जंगलबाट पक्राउ गरिएको प्रहरीले जनाएको छ।

ज्ञानकुमारीको शव मोरङको पथरी शनिश्चरे नगरपालिका-७ लामाटोलीमा फेला परेको थियो। उनलाई धारिलो हतियार प्रयोग गरी हत्या गरेको अवस्थामा फेला पारिएको थियो।

शनिश्चरे–१ स्थित पञ्चायत माविमा कक्षा ७ मा अध्ययनरत किशोरी ज्ञानकुमारी मामाघर बस्दै आएकी थिइन्। गएराति शौचालय जाने क्रममा उनको हत्या भएको हुन सक्ने बताइएको छ।

राति सुतिसकेको समयमा आवाज आएपछि हेर्न जाँदा ज्ञानकुमारीलाई अज्ञात व्यक्तिले धारिलो हतियार प्रयोग गरी भागेको देखिएको किशोरीका दाजु विमल राईले बताए।

घटनालगत्तै विमलले स्थानीयको सहयोगमा प्रहरीलाई खबर गरेका थिए। घटनाको खबर पाएपछि प्रहरीको टोलीले खोजतलास गर्दै जाँदा चौधरीलाई पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय