आईजी कुँवरको स्वीकारोक्ति : अपराधीको पक्षमा सिण्डिकेट बनाएर लविइङ गर्ने समूहको दबदबा छ

सुरक्षा/अपराध

नेपाल लाइभ सोमबार, माघ ८, २०८० १४:०४

काठमाडौं– प्रहरी महानिरीक्षक (आईजी) वसन्तबहादुर कुँवरले अपराधीको पक्षमा सिण्डिकेट बनाएर लविइङ गर्ने समूहको दबदबा रहेको बताएका छन्। प्रहरी प्रधान कार्यालयमा सञ्चालित एक दिवसीय ‘अपराध अनुसन्धान समीक्षा गोष्ठी’ कार्यक्रममा बोल्दै आईजी कुँवरले उक्त कुराको खुलासा गरेका हुन्।

कार्यक्रममा बोल्दै आईजी कुँवरले भने, ‘फौजदारी न्याय प्रणालीको सम्बन्धमा अनुसन्धानकर्ताहरुको मनोबल र संरक्षण किन पनि आवश्यक छ भने यहाँ पीडित र अनुसन्धानकर्तालाई भन्दा पनि पीडक, अभियुक्त र अपराधीलाई आफ्नो अधिकारको बारमो धेरै ज्ञान छ। र उनीहरुको पक्षमा सिण्डिकेट बनाएर लविइङ गरिदिने समूहहरुको दबदबा छ।’

त्यसैगरी कुँवरले फौजदारी न्याय प्रणालीको आधारशिलाको रूपमा रहेको प्रहरी संगठनका सकल दर्जाले कानुनी राज्यको प्रत्याभूति दिलाउन आ–आफ्नो कर्तव्य र जिम्मेवारी गम्भीरतापूर्वक सम्पादन गर्दै आएको चर्चा गरे।

पीडितलाई न्याय, अपराधीलाई सजाय र मानव अधिकारको सम्मान गर्दै विधिको शासन कायम गराइ दण्डहिनताको अन्त्य गराउन सरोकारवाला निकायहरूकाबीचको व्यावसायिक सम्बन्ध र सहकार्य आवश्यक रहेको उनले बताए।

प्रहरी महानिरीक्षक कुँवरले आर्थिक अपराधले आम नागरिकका व्यक्तिगत जीवनस्तरमा मात्र नभई सिंगो राष्ट्रिय अर्थतन्त्रमासमेत प्रत्यक्ष असर पुर्‍याएको बताउँदै आर्थिक अपराधसँग सम्बन्धित अपराधहरूको अनुसन्धानको लागि नेपाल प्रहरीले विशिष्टकृत ब्यूरो स्थापनाको लागिसमेत गृहकार्य थालनी गरेको उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)