पहिचान पक्षधरसँग वार्ता गर्न कोशी सरकारले गठन गर्‍यो टोली

राजनीति

नेपाल लाइभ शनिबार, माघ ६, २०८० १५:५०

काठमाडौं- कोशी प्रदेश सरकारले पहिचान पक्षधरहरूसँग वार्ता गर्न टोली गठन गरेको छ। शनिबार बसेको मन्त्रिपरिषद् बैठकले तीन सदस्यीय टोली गठन गरेको हो।

भौतिक पूर्वाधार विकासमन्त्री कमलप्रसाद जबेगुको नेतृत्वमा गठन गरिएको टोलीको सदस्यमा पर्यटन, वन तथा वातावरणमन्त्री गणेश उप्रेती र सदस्य सचिवमा आन्तरिक मामिला तथा कानून मन्त्रालयका सचिव लक्ष्मीप्रसाद पौडेल रहेको सरकारका प्रवक्ता समेत रहेका आन्तरिक मामिला तथा कानुनमन्त्री शमशेर राईले जानकारी दिए।

वार्ता टोलीमा रहेका दुई मन्त्रीमध्ये जगेबु एकीकृत समाजवादी र उप्रेती माओवादी केन्द्रका हुन्। वार्ता टोलीमा सबैभन्दा ठूलो दल नेकपा एमाले र दोस्रो ठूलो दल नेपाली कांग्रेसको प्रतिनिधित्व छैन।

तत्कालीन प्रदेश १ लाई कोशी प्रदेश नामाकरण गरिएपछि पहिचान पक्षधरहरूले विभिन्न किसिमका संघर्षका कार्यक्रम गर्दै आएका छन्। उनीहरूले जातीय पहिचानका आधारमा नाम राख्नुपर्ने बताउँदै आएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते