राष्ट्रिय सभा निर्वाचन: उम्मेदवारी फिर्ता र अन्तिम नामावली प्रकाशन आज

राजनीति

नेपाल लाइभ शुक्रबार, पुस २७, २०८० ०८:४९

काठमाडौं- निर्वाचन आयोगले आगामी माघ ११ गते हुने राष्ट्रिय सभा निर्वाचनका लागि शुक्रबार उम्मेदवारी फिर्ता र अन्तिम नामावली प्रकाशन गर्दैछ। राष्ट्रिय सभा सदस्यका लागि ८ वटा राजनीतिक दलका ५२ जना उम्मेदवारले मनोनयन दर्ता गराएका छन्।

उम्मेदवारले शुक्रबार आफ्नो नाम फिर्ता लिन सक्ने निर्वाचन आयोगले बताएको छ। निर्वाचन अधिकृतको कार्यालयले उम्मेदवारको अन्तिम नामावली प्रकाशन आजै गर्ने जनाएको छ।

राष्ट्रिय सभा उम्मेदवारहरूलाई शनिबार निर्वाचन चिह्न प्रदान गरिने आयोगले जनाएको छ।

निर्वाचनका लागि सात प्रदेशमा एक/एक मतदान स्थल र दुई/दुई मतदान केन्द्र कायम गरिएको छ।

राष्ट्रिय सभामा रिक्त हुन लागेको १९ स्थानका लागि माघ ११ गते निर्वाचन हुँदैछ। मतदान माघ ११ गते बिहान ९ बजेदेखि दिउँसो ३ बजेसम्म हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिविले खुलायो २०५८ सालदेखिका पुराना विद्यार्थीका लागि मौका परीक्षाको फारम

आज पनि सुनको मूल्य प्रतितोला १६ सयले बृद्धि, चाँदीको कति ?

टिप्परको ठक्करबाट एक जनाको मृत्यु