काठमाडौं- प्रधानमन्त्री पुष्पकमल दाहाल प्रचण्डले गठबन्धन पूरै अवधि जाने दाबी गर्दै त्यसप्रति कुनै ‘इफ’ र ‘बट’ नसोच्न आग्रह गरेका छन्। उनले त्यसप्रति कुनै आशंका गर्न जरुरी नभएको पनि बताएका छन्। बिहीबार रामेछापको सुनापति गाउँपालिकामा निर्मित प्रशासनिक भवनको उद्घाटन समारोहमा सम्बोधन गर्दै उनले गठबन्धन सानो दुःख र सानो संघर्षले नबनेको पनि स्मरण गरे।
‘सदन सुचारु गर्न, शान्ति प्रक्रियाका बाँकी कामहरू, खासगरी संक्रमणकालीन न्यायसँग कामहरूलाई सहज रुपले अगाडि बढाउन सत्ता पक्ष र प्रतिपक्षका बीचमा हुनसक्ने समझदारी होस् भन्ने कुरा त हामीले सुरुदेखि नै चाहेका छौं’, उनले भने।
उनले सदन सञ्चालन गर्न सजिलो होस् र विधेयकहरू अगाडि बढाउन सजिलो होस् भन्ने अभिप्रायले प्रचलनविपरीत एमालेलाई लेखा समितिको सभापतिको अतिरिक्त अन्य समितिको सभापति पनि दिइएको बताए।
¯केही महिनाअगाडि हामीले संघीय संसद्मा समिति गठन गर्दैगर्दा हामीले प्रतिपक्षलाई अहिलेसम्म नभएको उदारता हामीले प्रदर्शन गरेकै हो। प्रतिपक्षमा भएको दललाई एउटा मात्रै समितिको सभापति दिने प्रचलन थियो, लेखा समिति। तर हामीले सदन सुचारु गर्न सजिलो होस्, विधेयकहरू अगाडि बढाउन सजिलो होस् भनेर यो पटक लेखासहित तीन वटा समितिको सभापति नेकपा एमालेलाई दिने समझदारी गर्यौं र दियौं’, उनले भने।
त्यसरी एमालेलाई सभापति दिइनुको अर्थ गठबन्धनमा कुनै किसिमको आँच पुर्यायउन नभएको उनको भनाइ छ।
पछिल्लो समय राष्ट्रिय सभा निर्वाचनमा एमालेलाई पनि केही सिट जिताउने गरी गठबन्धनभित्र छलफल भइरहेको छ। सत्ता गठबन्धनका दलहरूले मात्रै तालमेल गरेमा निर्वाचन हुने १९ वटै सिट उनीहरूले नै जित्ने सम्भावना छ। तर संक्रमणकालीन न्यायसँग सम्बन्धित विधेयकमा सघाउने शर्तसहित एमालेलाई समेट्ने तयारी कांग्रेस र माओवादी केन्द्रको छ। यद्यपि, यस विषयमा छलफल जारी छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
