काठमाडौं- नेकपा माओवादी केन्द्रले पार्टीद्वारा चार महिनासम्म सञ्चालित ‘जनतासँग माओवादी, विशेष रुपान्तरण अभियान’ निर्धारण लक्ष्य र उद्देश्यमा सफल भएको दाबी गरेको छ। अभियान समापन भएको अवसरमा जानकारी दिन मंगलबार आयोजित पत्रकार सम्मेलनमा प्रवक्ता अग्निप्रसाद सापकोटाले जनतामा उत्साह पैदा भएको बताए।
‘पार्टी 'इन्ट्याक्ट' भएको छ। पार्टीमा एउटा नयाँ आशा, उत्साह पैदा भएको छ। जनता हामीतिर फर्किएका छन्। जनताका गुनासा छन्, आलोचना छन्। जनताले यसलाई निरन्तरता दिनुपर्छ भनेर माग गरेका छन्’, उनले भने।
सापकोटाले अभियानका क्रममा टोल कमिटीदेखि संगठन गठन पुनर्गठन भएको बताए। ‘तिनीहरू सक्रिय भएका छन्। तिनीहरू चलायमान भएका छन्। सारमा भन्दा, कार्यकर्ताहरूमा जागृती आएको छ। जनतामा आशा पलाएको छ’, उनले भने।
जनतामा आशाका झिल्काहरू पैदा भएको उनको दाबी थियो। ‘बनेका ठाउँका संगठन सक्रिय थिएनन्। तिनीहरू अहिले सक्रिय भएका छन्। सुदृढ भएका छन्। नबनेका ठाउँमा संगठनहरू बनेका छन्’, उनले भने, ‘पहिले निस्क्रिय हुने, पार्टीबाट पलायन हुने घटनाक्रम पनि देखिए। अहिले पार्टीबाट पलायन हुने कुरा अन्त्य भयो। पुराना कार्यकर्ता पनि जोडिएका छन्। उल्लेखनीय संख्यामा पनि पार्टी प्रवेशको कार्यक्रम पनि भएको थियो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778588614.png)
-1778551198-1778552039.jpeg)
-1764146706.png)
