राजनीति

महिला लखेटिएको भिडियोबारे ओलीको टिप्पणी– आफैं बोक्सी, आफैं झाँक्री जस्तो देखिन्छ

नेपाल लाइभ बुधबार, मंसिर ६, २०८० १३:२८

काठमाडौं– नेकपा एमाले अध्यक्ष केपी शर्मा ओलीले मध्यरातमा महिलाहरुलाई लखेटेको भिडियोबारे टिप्पणी गर्दै आफ्ना कार्यकर्ताले त्यसो गर्न नसक्ने बताएका छन्। बुधबार सुरु भएको पार्टी केन्द्रीय कमिटीको बैठकमा बोल्दै ओलीले आफ्नो पार्टीलाई बदनाम गर्ने उद्देश्यले उक्त भिडियो बनाइएको जिकिर गरे।

उनले भने, ‘युवा संघले यसो गर्‍यो भनेर एउटा भिडियो आएको देखियो। त्यो आफैं बोक्सी, आफैं झाँक्री जस्तो देखिन्छ। युवा संघको यस्तो क्रियाकलपा होइन। युवा संघका साथीहरुले हामी यसमा संलग्न छैनौं भनेका छन्।’

यो पनि पढ्नुहोस

दुर्गा प्रसाईंको भेलामा आएका महिलालाई मध्यरातमा लखेट्यो एमालेले, सर्वत्र आलोचना

उनले एमालेलाई बदनाम गर्ने र चरित्र हत्या गर्ने प्रयास गरिएको हुनसक्ने बताए। एमालेलाई आरोपित गर्ने उक्त षड्यन्त्र स्वीकार नहुने पनि ओलीले बताए। त्यसैले त्यसको खण्डन गर्न निर्देशन दिए।

अध्यक्ष ओलीले उक्त कुरा बताए पनि एमाले सम्बद्ध युवा संघका सचिवालय सदस्य विनोद राईको संलग्नता रहेको देखिएको छ।

यो पनि पढ्नुहोस

मध्यरातमा महिलालाई लखेट्ने व्यक्ति युवा संघका विनोद राई रहेको पुष्टि

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

५९ लाख मेट्रिकटन धान उत्पादन हुने प्रारम्भिक अनुमान

सूर्यदर्शन सहकारी ठगी : प्रतिवादीतर्फका कानुन व्यवसायीको बहस सुरू

भारतले चीनको मेगा तिब्बत बाँध परियोजनाको निगरानी गर्ने