युवा संघद्वारा प्रधानमन्त्री प्रचण्डको राजीनामा माग

राजनीति

नेपाल लाइभ शुक्रबार, कात्तिक १७, २०८० १९:२५

काठमाडौं– प्रमुख प्रतिपक्ष दल नेकपा (एमाले) मा आबद्ध राष्ट्रिय युवा संघ नेपालले प्रधानमन्त्री पुष्पकमल दाहाल प्रचण्डको राजीनामा माग गरेको छ।

राष्ट्रिय युवा संघ नेपालका नेता, कार्यकर्ताले शुक्रबार काठमाडौंमा विरोध प्रदर्शन गर्दै रिगल भनिने गुण्डा नाईके योगराज ढकाललाई आममाफी दिने निर्णय बदर गर्न सर्वोच्च अदालतले आदेश दिएकाले नैतिकताको आधारमा प्रधानमन्त्री दाहाल, गृहमन्त्री नारायणकाजी श्रेष्ठ र कानुन, न्याय तथा संसदीय मामिलामन्त्री धनराज गुरुङले राजीनामा दिनुपर्ने बताएका हुन्।

काठमाडौंको बिजुलीबजारबाट नयाँ बानेश्वर चोकसम्म विरोध प्रदर्शनपछि आयोजित कोणसभामा बोल्दै संघका अध्यक्ष क्षितिज थेवेले जघन्य अपराधका घटनामा संलग्नलाई आममाफी दिने प्रधानमन्त्री, गृहमन्त्री र कानुनमन्त्रीले राजीनामा दिनुपर्ने बताए।

उनले सामाजिक सद्भाव कायम गर्न हिँडेका आफ्ना संगठनका नेता, कार्यकर्तालाई नियन्त्रणमा लिने काम नगर्न पनि सरकारलाई सचेत गराएका छन्।

अध्यक्ष थेवेले भने, ‘आज सर्वोच्चले फैसला गरेर त्यो आममाफी लगत थियो भनेर उनलाई तत्काल नियन्त्रण गर भने पनि आज कानुनमन्त्री, आज गृहमन्त्री, प्रधानमन्त्रीले नैतिकताको आधारमा राजीनामा दिने कि नदिने? हाम्रो प्रश्न यो हो। अनि, आज सुशासन कायम गर्ने भन्ने सामाजिक सुशासनका लागि हिँडेका युवाहरुलाई दिनदहाडै नियन्त्रण गरिन्छ, गुण्डागर्दीलाई प्रश्रय दिइन्छ। अराजकता र अवसरवादलाई प्रश्रय दिइन्छ। सामाजिक अराजकतालाई प्रश्रय दिइन्छ। हत्याराहरुलाई प्रश्रय दिइन्छ।’

प्रदर्शनकारीहरुले सरकारले तस्करी, अराजकता र अवसरवादलाई प्रश्रय दिने काम गरेको भन्दै नाराबाजी गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाल–भारत उर्जा सचिवस्तरीय बैठक नयाँदिल्लीमा बस्दै

इजरायलले युद्धविराम सम्झौता उल्लंघन गरेको भन्दै हमासले गर्यो बन्धक रिहाइ स्थगित गर्ने घोषणा

बन्धकहरूलाई रिहा नगरिए युद्धविराम रद्द गर्नुपर्ने हमासलाई ट्रम्पको चेतावनी