काठमाडौं- रुपन्देहीको तिलोत्तमा नगरपालिकाले जापनिज संस्था ‘मेयर फर पिस’ को सदस्यता प्राप्त गरेको छ।
तिलोत्तमाले स्थानीय तहहरूको समृद्धिका लागि एकबद्ध हुने उद्देश्यसाथ स्थापित शान्ति र विकाकासका लागि अघि बढेको संस्थाको गत भदौ १५ गते सदस्यता प्राप्त गरेको नगरप्रमुख रामकृष्ण खाणले जानकारी दिए।
संस्थामा १ सय ६६ देशका ८ हजार ३ सय ११ पालिकाहरु आबद्ध छन् भने नेपालमा ३३ वटा पालिकाले सदस्यता पाएका छन्।
सन् १९८२ मा जापानको हिरोसिमा र नागासाकीका मेयरहरूको नेतृत्वमा बनेको संस्थामार्फत् मेयरहरूले आणविक हतियाररहित संसार, सुरक्षित र लचिलो शहरहरू, र शान्तिको संस्कृतिको लागि काम गरिरहेका छन्।
जसमा शान्ति प्रत्येक व्यक्तिको लागि प्राथमिकतामा रहेको उल्लेख गरिएको छ। नगरसँगै देशका नागरिकको सुरक्षा र सुरक्षा सुनिश्चित गर्ने प्रयासमा, भोकमरी, गरिबी, शरणार्थीहरूको दुर्दशा, मानवअधिकार उल्लङ्घन जस्ता मानव जातिको सहअस्तित्वलाई खतरामा पार्ने प्रत्येक सदस्यको क्षेत्रका लागि फरक फरक समस्याहरूलाई सम्बोधन र समाधान गर्न संस्था क्रियाशील रहेको नगरप्रमुख खाणले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
