काठमाडौं– भारतको नयाँ दिल्लीमा शनिबार सुरु भएको जी–२० लिडर्स सम्मेलनको घोषणापत्रमा युक्रेन युद्धको विषय उल्लेख गर्दै जी–२० देशहरुले परमाणु हतियार प्रयोगको धम्कीलाई मञ्जुर गर्न नसकिने बताएका छन्।
रुसलाई उल्लेख नगर्दै जी–२० सदस्य देशहरुले बाली घोषणापत्र स्मरण गराए र सबै देशलाई युक्रेनमा स्थायी शान्तिका लागि यूयन चार्टरको सिद्धान्त अन्तर्गत काम गर्नुपर्ने बताएका हुन्।
यसै घोषणापत्रमा सदस्य देशलाई आफ्नो सीमा विस्तारका लागि शक्ति यार धम्कीको प्रयोगबाट टाढा हुनुपर्ने पनि स्मरण गराइएको छ।
भारतको अध्यक्षतामा भइरहेको जी देशहरुको शिखर सम्मलेनमा सबै सदस्य देशहरुले आपसी सहमति शनिबार ‘न्यू दिल्ली जी–२० लिडर्स समिट डिक्लेरेशन’ घोषणा गरेका छन्।
यस घोषणापत्रमा भारतीय प्रधानमन्त्री नरेन्द्र मोदीले रुसी राष्ट्रपति भ्लादिमिर पुटिनसँग भनेको कुरालाई पनि समावेश गरिएको छ। जहाँ उनले भनेका थिए, ‘अबको समय युद्धको होइन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
