६० किलो सुन तस्करी प्रकरण : थप १ जना समातिए, पक्राउ पर्नेको संख्या २४ पुग्यो

सुरक्षा/अपराध

नेपाल लाइभ बुधबार, भदौ १३, २०८० १३:०८

काठमाडौं– ६० किलो सुन तस्करी प्रकरणमा संलग्न भएको आरोपमा केन्द्रीय अनुसन्धान ब्यूरो (सीआईबी) को टोलीले थप एक जनालाई पक्राउ गरेको छ।

पक्राउ पर्नेमा पाल्पा घर भएका गणेश पौडेल रहेको सीआईबी स्रोतले जानकारी दियो।

योसँगै उक्त प्रकरणमा पक्राउ पर्नेको संख्या २४ पुगेको छ। यसअघि २३ जनालाई सीआईबीले हिरासतमा राखेर अनुसन्धान गरिरहेको छ। अहिले पक्राउ परेका पौडेलको भूमिका के हो भन्नेबारे प्रहरीले केही खुलाएको छैन।

यही सुन प्रकरणमा अनुसन्धान गर्न भन्दै सीआईबीका एसएसपी दिनेश आचार्य मंगलबार राति हङकङ गएका छन्। नेपालमा बरामद भएको सुन हङकङबाट आएको र यो प्रकरणमा चिनियाँ नागरिक समेत जोडिएकाले थप अनुसन्धान तथा सूचना संकलनका लागि भन्दै आचार्यलाई हङकङ पठाइएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज