बलिउड सुपरस्टार सलमान खानसँग काम गर्न कलाकारहरू मरिहत्ते गर्छन्। तर केही यस्ता कलाकार पनि छन्, जसले सलमानसँग काम गर्न इन्कार गरे।
जसले सलमानसँग केही फिल्ममा काम गरेपछि अर्को फिल्मका लागि अस्वीकार गरेका छन्। एकपटक मात्र हैन, ६–६ पटक अस्वीकार गर्ने एक अभिनेत्री पनि छिन्। केही अभिनेत्रीबारे यहाँ चर्चा गर्नेछौँ।
दीपिका पादुकोण
दीपिका पादुकोणले त एउटा रेकर्ड नै बनाएकी छन्। जसले सलमान खानसँगको फिल्म एक पटक होइन, ६ पटक अस्वीकार गरिन्। जसमा किक, बजरंगी भाइजान, सुल्तानजस्ता हिट फिल्म पनि समावेश छन्।
यति मात्र होइन, दीपिका पादुकोणलाई सलमान खानसँग पहिलो फिल्मको अफर पनि आएको थियो। त्यतिबेला दीपिका मोडलिङको संसारमै रमाइरहेकी थिइन्। उनले अस्वीकार गरिन्। त्यसयता दीपिका र सलमानले सँगै काम गर्ने मौका पाएका छैनन्।
उर्मिला मातोंडकर
उर्मिला मातोन्डकर सलमान खानसँग एउटा मात्र फिल्ममा देखिएकी थिइन्। फिल्म ‘जिसका नाम था जानम समझा करो’ले बक्स अफिसमा खासै कमाइ गर्न सकेन। त्यसपछि सलमान र उर्मिलाको जोडी फेरि पर्दामा देखिएन। पछिल्लो प्रस्ताव उर्मिलाले अस्वीकार गरेको बताइन्छ।
ट्विंकल खन्ना
ट्विंकल खन्ना र सलमान खान पनि फिल्म ‘जब प्यार किसी से होता है’ मा सँगै देखिएका छन्। त्यसपछि यो जोडी कहिल्यै सँगै देखिएन।
सोनाली बेन्द्रे
‘हम साथ साथ हैं’ मा सोनाली बेन्द्रे र सलमान खानको जोडी निकै सुन्दर देखिएको थियो। तर यो फिल्मपछि दुवैले सँगै काम गरेनन्। कालो हरिण प्रकरणपछि सोनाली बेन्द्रेले आफूलाई सलमान खानबाट टाढा राखेको बताइएको छ।
ऐश्वर्या राय
ऐश्वर्या राय र सलमान खानबीचको विवाद धेरैलाई थाहा छ। ‘हम दिल दे चुके सनम’को सुटिङदेखि नै दुवै एकअर्कासँग रिलेसनसिपमा थिए। तर छिट्टै ब्रेकअप पनि भयो। त्यसपछि दुवैले फेरि सँगै काम गरेनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
