मनहरी– हेटौंडामा राप्तीखोलाले बगाउँदा एकजनाको मृत्यु भएको छ।
शनिबार दिउँसो करिब साढे ३ बजेको समयमा माछा मार्ने क्रममा हेटौंडा उपमहानगरपालिका–११ थानाभर्याङ बस्ने ४५ वर्षीय कुमार भारतीलाई सिमल्टारस्थित राप्तीखोलाले बगाउँदा मृत्यु भएको मकवानपुर प्रहरी प्रवक्ता एवं प्रहरी नायब उपरीक्षक टेकबहादुर कार्कीले जानकारी दिए।
खोलामा मान्छेजस्तो वस्तु तैरिरहेको स्थानीयले देखेपछि उनीहरूले प्रहरीलाई खबर गरेका थिए। प्रहरी र स्थानीयको सहयोगमा मृतक भारतीको शव बाहिर निकालिएको प्रवक्ता कार्कीले बताए।
बिहीबारदेखि परेको अविरल वर्षाका कारण राप्तीखोलाको बहाव बढेको छ। मृतक भारतीको शव परीक्षणका लागि हेटौंडा अस्पतालमा राखिएको प्रहरी प्रवक्ता कार्कीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
