काठमाडौं– कोशी प्रदेश सरकार गठन तथा मुख्यमन्त्रीको विश्वासको मतसम्बन्धी विवादको रिटको पेसी सर्वोच्च अदालतका न्यायाधीश ईश्वरप्रसाद खतिवडाको इजलासमा परेको छ। कोशीका मुख्यमन्त्री उद्धव थापाले संविधान मिचेर विश्वासको मत लिएको भन्दै दायर भएको रिटमा बिहीबार सर्वोच्चले पहिलो सुनुवाइ गर्न लागेको हो। क्रमसंख्याअनुसार खतिवडाको इजलासमा उक्त रिट १३औं नम्बरमा छ।
मुख्यमन्त्री उद्धव थापाले लिएको विश्वासको मतको प्रक्रियामा संविधान मिचिएको भन्दै प्रदेश सभाको प्रमुख विपक्षी दल नेकपा एमालेका प्रदेश संसदीय दलका नेता हिक्मत कार्कीले सर्वोच्चमा रिट दायर गरेका हुन्। विश्वासको मत लिँदा सत्ता गठबन्धनले संविधानको धारा १८६ विपरीत गरेकोले विश्वासको मत बदरको माग रिटमा गरिएको छ।
मुख्यमन्त्री थापाले विश्वासको मत लिने क्रममा प्रदेश सभा बैठकको अध्यक्षता गरेका सत्ता पक्षका सांसद इस्राइल मन्सुरीले मत दिएको र उक्त कार्यले संविधान मिचिएको दाबी रिटमा गरिएको छ। एमाले प्रदेश सभा संसदीय दलका नेता कार्कीका तर्फबाट बुधबार सर्वोच्चमा रिट दर्ता भएको हो।
प्रारम्भिक सुनुवाइका लागि बिहीबारका लागि तोकिएको हो। रिटमा मुद्दाको अन्तिम किनार नलाग्दासम्म अन्तरिम आदेशको माग समेत गरिएको छ। मुख्यमन्त्रीको रुपमा काम काज गर्न रोक्नुपर्ने माग रिटमा गरिएको छ।
यसअघि प्रदेश सभाका तत्कालीन सभामुख बाबुराम गौतमको हस्ताक्षर समावेश गरेर मुख्यमन्त्री नियुक्त भएका थापाको नियुक्ति बदर गर्दै सर्वोच्चले सरकार गठनको नयाँ प्रक्रिया थाल्न परमादेशको आदेश जारी गरेको थियो।
सर्वोच्चको आदेशानुसार पुन: सरकार गठनको प्रक्रिया सुरु हुँदा तत्कालीन सभामुख गौतमले राजीनामा दिएर सरकारमा दाबी पेस गर्न सत्ता गठबन्धनको पक्षमा बहुमत पुर्याएका थिए। थापाले विश्वासको मत लिँदा एमालेले उपसभामुख सृजना दुनुवार र आफ्नो पार्टीका ज्येष्ठ सदस्यलाई अनुपस्थित गराएर विश्वासको मत असफल पार्न खोजेको थियो।
तर बैठकको अध्यक्षता गरेका इस्राइल मन्सुरी मतदान प्रक्रियामा सहभागी भएपछि मुख्यमन्त्री थापाको पक्षमा ४७ मत पुगेको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
