२३ क्विन्टल सुन रातारात बाहिर पठाएर १ क्विन्टल समातेको सूचना हामीसँग छ : बास्कोटा

राजनीति

नेपाल लाइभ बुधबार, भदौ ६, २०८० १७:५४

काठमाडौं- नेकपा एमालेका सांसद गोकुल बास्कोटाले सरकारले २३ क्विन्टल सुन तस्करी गरेको गम्भीर आरोप लगाएका छन्। बुधबार प्रतिनिधिसभाको बैठकमा २३ क्विन्टल सुन रातारात बाहिर पठाएर १ क्विन्टल समातिएको र त्यो पनि नापतौल गर्दा ६० किलो भएको उनले बताए।

उनले भने- हामीले कसैको कुर्सी हल्लाउन चाहेका थिएनौँ। देशप्रतिको जवाफदेहिता खोजेका थियौँ। ढिलै भए पनि एउटा सहमतिमा पुग्यौँ। आशाको त्यान्द्रो पलायो। खुसी प्रकट गर्न चाहन्छु।

तर भयो कस्तो भन्दा आउन त आयौ तिमी रंगमञ्च उठेपछि आयौ... त्यस्तो भयो। किनभने यसबीचमा हामीले प्राप्त गरेका सूचना अनुसार करिब २३ क्विन्टल सुन रातारात बाहिर पठाइयो। तर एक क्विन्टल सुन समातियो र ६० किलो भयो नापतौल जोख्दा। यो फगत नौटंकी हो वा खास कारणले समातियो, यसको पनि पर्दा खुल्दै जाला।

अब हामी एउटा आयोग बनाउने कुरा गरेपछि त्यसको प्रतीक्षामा छौं र त्यसका तथ्यलाई हामी स्वीकार गर्दछौँ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई रघुजीको चेतावनी- नेपाली जनता र दलहरु मिलेर निर्मल निवास घेर्न आए के हुन्छ ?

घुर्बिसे देखि बकिङ्ह्यामसम्म सार्वजनिक

माओवादी केन्द्र जनताको बलले स्थापित भएको हो – अध्यक्ष दाहाल