जाँचबुझ आयोगले महरा मुछिएको सुन काण्डबारे पनि छानबिन गर्ने

राजनीति

नेपाल लाइभ बुधबार, भदौ ६, २०८० १६:०७

काठमाडौं- राष्ट्रिय मान्यताप्राप्त सात दलबीच सिंहदरबारमा भएको सहमतिबमोजिम मंगलबारदेखि संसद् अवरोध हटेको छ। मंगलबार दिउँसो सुरु संसद् बैठकमा दलहरुबीच भएको सहमतिबारे उपप्रधान एवं रक्षामन्त्री पूर्णबहादुर खड्काले जानकारी गराएका छन्।

उनले असोज ५ गते जाँचबुझ आयोग गठन हुने र सोही दिनदेखि आयोगले काम गर्ने जानकारी दिए। आयोगले हङकङबाट भित्रिएको ६० किलो सुनसहित नेकपा माओवादी केन्द्रका उपाध्यक्ष कृष्णबहादुर महरा र उनका छोरा राहुलको संलग्नता रहेको आरोप लागेको भेपमा सुन तस्करी प्रकरणबारे पनि अध्ययन गर्ने उनले बताए।

‘विदेशबाट इलेक्ट्रिक सिग्रेट (भेप)मा सुन राखी अवैध पैठारी तस्करी गरिएको, मिति २०८० साउन २ गते ब्रेक शुमा सुन राखी अवैध पैठारी गरिएको सुनलगायत पटक पटक सुन तस्करी भई मुलुकभित्र आइरहेको विषयलाई गम्भीरतापूर्वक लिई स्वतन्त्र, निष्पक्ष छानबिन गर्न र यस्तो तस्करीजन्य कार्यको पूर्ण रुपमा नियन्त्रण गर्न मौजुदा कानुनमा गर्नुपर्ने परिमार्जन गर्न र छानबिन अनुसन्धानसमेतको अध्ययन गरी सुझावसहितको प्रतिवेदन पेस गर्न जाँचबुझ आयोग गठन गर्ने सहमति भएको छ,’ उनले भने।

९ किलो सुन तस्करी प्रकरणमा माओवादी उपाध्यक्ष महराका बाबुछोराको संलग्नता रहेको आरोप लाग्दै आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका पठाउने भन्दै डेढ करोड ठगी, तीन जना पक्राउ

आमसञ्चार परिषद् विधेयक प्रतिनिधिसभाबाट सर्वसहमतिले स्वीकृत

शिवरात्रीको व्यवस्थापन निरीक्षणका लागि प्रधानमन्त्री ओली पशुपतिनाथमा, आरतीमा सहभागी