सिंहदरबारमा सहमति- सुन तस्करी छानबिन गर्न आयोग गठन गरिने

राजनीति

नेपाल लाइभ बुधबार, भदौ ६, २०८० १४:००

काठमाडौं- सुन तस्करी छानबिन गर्न आयोग गठन गर्न दलहरु सहमत भएका छन्। बुधबार सिंहदरबारमा बसेको राष्ट्रिय मान्यताप्राप्त दलहरुको बैठकले दुई बुँदे सहमति गरेको हो। आयोग भने अर्को महिना मात्रै गठन गरिने छ।

सहमति पत्रमा विदेशबाट इलेक्ट्रिक सिगरेटमा सुन राखी अवैध पैठारी (तस्करी) गरिएको, मिति २०८० साउन २ गते ब्रेक-सुमा राखी अवैध पैठारी (तस्करी) गरिएको सुन लगायत पटकपटक सुन तस्करी भई मुलुकभित्र आइरहेको विषयलाई गम्भीरतापूर्वक लिई स्वतन्त्र र निष्पक्ष छानबिन गर्न आयोग गठन गरिने उल्लेख छ।

'यस्तो तस्करीजन्य कार्यको पूर्णरुपमा नियन्त्रण गर्न मौजुदा कानुनमा गर्नुपर्ने परिमार्जन, संरचनागत सुधार र पटकपटकको सुन तस्करी सम्बन्धमा भएका छानबिन अनुसन्धान बारे समेत अध्ययन गरी सुझाव सहितको प्रतिवेदन पेश गर्न जाँचबुझ आयोग ऐन, २०२६ बमोजिम २०८०/०६/०५ गते नेपाल सरकारले आयोग गरी त्यसै दिनदेखि आयोगले कार्य प्रारम्भ गर्नेछ', सहमतिपत्रमा भनिएको छ।

आयोग कसको नेतृत्वमा गठन गर्ने भन्नेचाहिँ सहमति पत्रमा उल्लेख छैन।

यस्तो छ सहमतिपत्र-

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका पठाउने भन्दै डेढ करोड ठगी, तीन जना पक्राउ

आमसञ्चार परिषद् विधेयक प्रतिनिधिसभाबाट सर्वसहमतिले स्वीकृत

शिवरात्रीको व्यवस्थापन निरीक्षणका लागि प्रधानमन्त्री ओली पशुपतिनाथमा, आरतीमा सहभागी