पहिरोले नारायणगढ–मुग्लिन सडक अवरुद्ध, मेशिनले पहिरो पन्छाइँदै

समाचार

नेपाल लाइभ सोमबार, भदौ ४, २०८० २२:१४

काठमाडौं– सुख्खा पहिरो खसेपछि नारायणगढ–मुग्लिन सडकखण्ड अवरुद्ध भएको छ।

इलाका प्रहरी कार्यालय मुग्लिनका अनुसार इच्छाकामना गाउँपालिका-६ टोपेखोला नजिकै सोमबार राति सवा ८ बजेतिर पहिरो झरेर सडक दुईतर्फी नै अवरुद्ध भएको हो ।

ठूलो पहिरो झरेकाले पन्छाउन समय लाग्ने प्रहरीको भनाइ छ। सडक डिभिजन कार्यालय भरतपुरले पहिरो गएको ठाउँमा डोजर पठाएको र पहिरो पन्छाउन सुरु गरेको जनाएको छ।

सडक अवरुद्ध हुँदा नारायणगढतर्फ आउने र मुग्लिनतर्फ जाने सवारी साधनहरु सडकमै रोकिएका छन्। सडक डिभिजन कार्यालय भरतपुरका अनुसार नाम्सि पुल नजिकै खसेको पहिरोका कारण सडक पूर्ण रुपमा अवरुद्ध भएको हो।

अहिले सडक डिभिजन कार्यालय भरतपुरको डोजरबाट पहिरो पन्छाउने काम भइरहेको छ। माथिबाट ढुंगा खस्ने क्रम नरोकिए पहिरो पन्छाउन समय लाग्ने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मुलुक प्रधानमन्त्रीले नभई बिचौलियाहरुले चलाइरहेछन् : उपेन्द्र यादव

गीत बजाएको आरोपमा १४ जना पक्राउ

कावासोतीमा मोटरसाइकल दुर्घटनामा परी दाजुभाइको मृत्यु