काठमाडौं– सुपरस्टार सलमान खानका प्रशंसकहरू उनको आगामी फिल्म ‘टाइगर ३’ को प्रतीक्षामा छन्।
शाहरुख खान स्टारर फिल्म ‘पठान’ मा ‘टाइगर’को एन्ट्री देखिँदा नै ‘टाइगर ३’ चर्चाको विषय बनेको छ। यसैबीच फिल्मको सेटबाट नयाँ भिडिओ लिक भएको छ।
भिडिओमा कट्रिना कैफले ब्याकग्राउन्ड डान्सरसँग गीत सुटिङ गरिरहेको देख्न सकिन्छ।
Katrina Kaif dance clip from Tiger3 song
by u/FondantFun9982 in BollyBlindsNGossip
भिडिओमा नयाँ गीतको सेट माशाल्लाह गीतसँग मिल्दोजुल्दो रहेको देख्न सकिन्छ। भिडिओमा कट्रिनाको अनुहार भने पूरै देखिँदैन।
'टाइगर ३' बहुप्रतिक्षित फिल्म हो। फिल्म छायांकनका क्रममा सुरक्षामा निकै ध्यान दिइएको छ। यद्यपि, अझै पनि एक वा अर्को भिडिओ लिक भइरहेको छ।
हालै एक भिडिओ लिक भएको थियो, जसमा सलमान खानसँगै शाहरुख खान पनि ‘टाइगर ३’को सेटमा देखिएका थिए। ‘पठान’ अर्थात् शाहरुखको क्यामियो ‘टाइगर ३’ मा पनि देखिनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।