सार्वजनिक ओहदाका व्यक्तिको सम्पत्ति विवरण गोप्य राख्न नपाउने कानुनी व्यवस्था गर्न जरुरी भइसक्यो: प्रधानमन्त्री प्रचण्ड

राजनीति

नेपाल लाइभ आइतबार, भदौ ३, २०८० १३:४४

काठमाडौं– प्रधानमन्त्री पुष्पकमल दाहाल प्रचण्डले सार्वजनिक ओहदामा रहेका हरेक व्यक्तिको सम्पति सहितका व्यक्तिगत विवरण गोप्य राख्ने प्रचलन हटाउन कानुनी व्यवस्था गर्न जरुरी रहेको बताएका छन्। कानुनी व्यवस्था नै गरेर सार्वजनिक ओहदामा रहेका व्यक्तिले आफ्नो व्यक्तिगत सम्पत्ति विवरण गोप्य राख्न नपाउने अभ्यास सुरु गर्नुपर्ने प्रधानमन्त्रीको भनाइ छ।

प्रधानमन्त्री प्रचण्डले सार्वजनिक निकायमा घुस, ढिलासुस्ती, गलत निर्णय, अपारदर्शी व्यवहार जस्ता विषयमा सूचना दिन उत्प्रेरित गर्न सूचनाको साक्षी संरक्षणसम्बन्धी कानुनी व्यवस्था गर्न जरूरी भइसकेको उल्लेख गरे।

आइतबार १७औं राष्ट्रिय सूचना दिवसको अवसरमा आयोजित कार्यक्रमलाई सम्बोधन गर्दै उनले विश्वमा भ्रष्टाचार नियन्त्रणको क्षेत्रमा प्रयोग भएको नयाँ प्रविधिमा आधारित ब्लकचेन टेक्नोलोजीको अध्ययन गर्न आवश्यक रहेको पनि बताए।

प्रधानमन्त्री प्रचण्डले राज्यमा भ्रष्टाचार नियन्त्रणका लागि सूचना लिने मात्र नभइ दिने संस्कारको विकास गर्न आवश्यक रहेको बताए। उनले देश संघीय गणतन्त्रमय भए पनि समयानुकूल पुराना कानुनहरु संशोधन नहुँदा त्यसको प्रत्यक्ष असर सरकारको कामकारबाहीमा परेको बताए।

प्रधानमन्त्री प्रचण्डले राज्य संयन्त्रका सूचना विवरण, तथ्य र तथ्याङ्क संकलन र अद्यावधिक गर्ने कार्यलाई समयसापेक्ष प्रविधिमैत्री बनाउन आवश्यक रहेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रेमविवाह विवादमा भएको झडपमा घाइतेको मृत्यु

अमेरिका पठाउने भन्दै डेढ करोड ठगी, तीन जना पक्राउ

आमसञ्चार परिषद् विधेयक प्रतिनिधिसभाबाट सर्वसहमतिले स्वीकृत