७.७४ प्रतिशतले बढ्यो महँगी, खाद्य र पेय पदार्थको मूल्यवृद्धि सूर्तिजन्य पदार्थको भन्दा बढी

अर्थ समाचार

नेपाल लाइभ शुक्रबार, भदौ १, २०८० १४:५१

काठमाडौं- गत आर्थिक वर्षमा नेपालमा महँगी ७.७४ प्रतिशतले बढेको छ। नेपाल राष्ट्र बैंकको तथ्यांकअनुसार आर्थिक वर्ष २०७९/८० मा उपभोक्ता मुद्रास्फीति उक्त दरले बढेको हो।

अघिल्लो आर्थिक वर्षमा मुद्रास्फीति दर ६.३२ प्रतिशत रहेको थियो। यस वर्ष सबैभन्दा धेरै महँगी खाद्य तथा पेय पदार्थमा बढेको छ। समीक्षा अवधिमा खाद्य तथा पेय पदार्थ समूहअन्तर्गत रेस्टुरेन्ट तथा होटल उप–समूहको मूल्यवृद्धि १४.४२ प्रतिशतले मूल्य बढेको छ।

त्यस्तै मरमसलामा १२.५० प्रतिशत र खाद्य तथा खाद्यजन्य पदार्थमा १०.७० प्रतिशत महँगी बढेको छ। सुर्तीजन्य पदार्थमा ९.८८ प्रतिशत र दूग्ध पदार्थ तथा अण्डाको ९.२३ प्रतिशत बढेको छ।

त्यस्तै गैरखाद्य तथा सेवा समूहअन्तर्गत यातायात उप-समूहमा १३.५० प्रतिशत, मनोरञ्जनमा १०.१८ प्रतिशत मूल्य बढेको राष्ट्र बैंकको तथ्यांकमा उल्लेख छ। स्वास्थ्यमा १०.०१ प्रतिशत, शिक्षामा ८.७९ प्रतिशत र घरायसी उपयोगका वस्तुहरूमा ८.६५ प्रतिशत मूल्यवृद्धि भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्याम्पियन्स लिगमा रियल म्याड्रिडको जित

भक्तजनद्वारा पशुपतिनाथको छायाँ दर्शन

आजको मौसमः तराईमा हुस्सु, पहाडी भागमा सामान्य बदली रहने