काठमाडौं- सशस्त्र प्रहरी बलको रिक्त सशस्त्र प्रहरी वरिष्ठ उपरीक्षक (एसएसपी)मा बढुवाका लागि १२ जनाको नाम सिफारिस भएको छ।
नाम सिफारिस हुनेहरु सबै सि.संं. २ का सशस्त्र प्रहरी उपरीक्षकहरू रहेका छन्। उनीहरु २०७५ साल चैत्र १५ गते सशस्त्र प्रहरी उपरीक्षक पदमा बढुवा भएका थिए। सो सि.सं.को दोस्रो टोली २०७७ जेठ ५ गते एसपी बढुवा भएकोमा बिहीबार सिफारिस भएका सबै पहिलो चरणमा एसपी भएकाहरु मात्रै छन्।
उक्त समूहका १५ जना यसअघि नै एसएसपी भइसकेका छन् भने बाँकी १९ मध्ये आज १२ जनाको नाम सिफारिस भएको हो। सशस्त्र प्रहरी महानिरीक्षक राजु अर्यालले संगठनको नेतृत्व सम्हालेपछि साउन महिनामा मात्रै एसएसपीदेखि सहायक हवल्दारसम्म ६ हजार भन्दा बढी कर्मचारीको एकैपटक बढुवा भएको छ।
यसपटक ओ एण्ड एम नभएका जम्मा ४ जना मात्रै एसएसपीमा बढुवा हुने अवस्था थियो भने डीएसपी र एसपी बढुवाका लागि अझ ४ वा ५ वर्ष कुर्नुपर्ने अवस्था थियो। महानिरीक्षक अर्यालले सोही समस्यालाई समाधान गर्नको लागि पहल गरेसँगै बढुवाको जाम अन्त्य भएको हो।
संगठनको इतिहासमा नै यस प्रकारको बढुवा पहिलो पटक भएको हो। सशस्त्र प्रहरीमा वर्षौँदेखि रहेको वृत्तिविकासको समस्या समाधान गर्न केही समयअघि संगठन सर्वेक्षण तथा व्यवस्थापन (ओ एण्ड एम)मार्फत् केही दरबन्दी थप र केही पदहरु समायोजन भएका थिए।
यो क्रमसँगै १७ वर्षदेखि एउटै दर्जामा रहेका अधिकृतहरू एकै पटक बढुवा हुने भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1738557849.jpg)
-1764146706.png)
