भीमदत्त राजमार्ग ६ घण्टा बन्द हुने

समाचार

नेपाल लाइभ बिहीबार, साउन ३२, २०८० ०९:३६

काठमाडौं– सुदूरपश्चिम प्रदेशका ७ पहाडी र २ तराईका जिल्ला जोड्ने प्रमुख सडक, भीमदत्त राजमार्ग आज (बिहीबार) ६ घण्टा बन्द हुने भएको छ।

कैलालीको गोदावरी नगरपालिका–४ बुढीतोला क्षेत्रमा सडक मर्मतका लागि राजमार्ग ६ घण्टा बन्द गरिन लागिएको हो। सडक डिभिजन कार्यालय कञ्चनपुरले मध्याह्न १२ बजेदेखि साँझ ६ बजेसम्म सडक बन्द हुने जानकारी दिएको छ।

बुढीतोला क्षेत्रमा साउन २२ गते पहिरो जाँदा ५०० मिटर सडक भास्सिएको थियो। सडक भास्सिएको ठाउँमा बैकल्पिक मार्ग बनाएर झन्डै १ सातापछि सवारी आवागमन सञ्चालनमा ल्याइएको थियो।

तर वैकल्पिक मार्गमा पनि लेदो र माटो बग्ने क्रम नरोकिएपछि पुन: मर्मत गर्न थालिएको हो। लेदो तथा माटो बगिरहेको ठाउँमा जाली राखेर मर्मत गरिने र निरन्तर बगिरहेको पानीलाई पाइपलाइन तथा नाली बनाएर निकास गरिने सडक डिभिजन कार्यालयले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुन वितरणमा हुँदै आएको सिन्डिकेट हटाउन सर्वोच्चले दियो अन्तरिम आदेश

चितवन राइनोजले आफ्ना समर्थकलाई नि:शुल्क बस सेवा दिने

उद्योगहरूको बिजुली नकाट्ने प्राधिकरण बोर्डको निर्णय