पैसाको बलमा पार्टी संगठन कब्जा गर्नेविरुद्ध संघर्ष गर्नुपर्ने चुनौती थपिएको छ : नेता सिंह

राजनीति

नेपाल लाइभ सोमबार, साउन २९, २०८० १२:५८

काठमाडौं– नेपाली कांग्रेसका नेता एवं पूर्वउपप्रधानमन्त्री प्रकाशमान सिंहले राजनीतिक दल एवं मुलुकको शासन व्यवस्था लोकतान्त्रिक मूल्य–मान्यता र विधिको शासनअनुसार सञ्चालन हुनुपर्ने बताएका छन्।

कांग्रेसका पूर्वमहामन्त्री सिंहले प्रजातान्त्रिक विचार समाजको प्रतिनिधि मण्डलसँग आफ्नै निवास चाक्सीबारीमा भएको भेट तथा अन्तरक्रिया कार्यक्रममा मुलुकमा स्थापित लोकतन्त्र, नागरिक अधिकारसहित राष्ट्रको अस्तित्वमाथि नै संकट आउन लागेकाले देशभरका प्रजातन्त्रवादी शक्तिबीच एकता हुन आवश्यक रहेको बताए।

मुलुकमा व्याप्त विकृति, विसङ्गति, भ्रष्टाचार र कुशासनविरुद्ध राजनीतिक दलहरु एकजुट हुनुपर्ने खाँचो औंल्याउँदै उनले भने, ‘पैसाको बलमा पार्टी संगठन कब्जा गर्ने र राजनीति नै खरिद गर्ने प्रवृत्तिविरुद्ध संघर्ष गर्नुपर्ने चुनौती थपिएको छ। राजनीतिक दल र नेताभन्दा पनि माथि उठेर विचार, सिद्धान्त, नीति एवं नैतिकताको पक्षमा वकालत गर्न वैचारिक समाजका सदस्यहरूसहित प्रजातन्त्रवादी बौद्धिक समुदायको ध्यानाकर्षण गर्दछु।’

समाजका अध्यक्ष कुलचन्द्र वाग्लेले लोकतन्त्रप्रति बढ्दो खतरा, व्याप्त भ्रष्टाचार, राज्य संयन्त्रप्रति बढ्दो अविश्वास र राज्यका तीनै तहमा देखिएको अराजकताप्रति राजनीतिक दल र तिनका नेता सचेत रहनुपर्ने धारणा व्यक्त गर्दै लोकतन्त्र, मानवअधिकार र सुशासनको पक्षमा भेटघाट तथा अन्तरक्रियात्मक अभियान सञ्चालन गरेको स्पष्ट गरे।

अध्यक्ष वाग्लेको नेतृत्वमा वैचारिक समाजको नवनिर्वाचित प्रतिनिधि मण्डलले शीर्ष नेतासँगको भेटवार्तालाई निरन्तरता दिनेक्रममा यसअघि कांग्रेस नेता डा शेखर कोइराला र अर्जुननरसिंह केसीसँग छुट्टाछुट्टै अन्तरक्रिया गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल

वुमन्स च्याम्पियनसिप: नेपाल उपविजेतामै सिमित, म्यानमारसँग २–० गोलले पराजित

दुई मिनेटको अन्तरालमा म्यानमारद्वारा नेपालको पोष्टमा दुई गोल