कैलाली- कैलालीको धनगढी उपमहानगरपालिका वडा नम्बर ६ जालीमा दुई युवतीलाई बलात्कार गर्न खोज्ने एक जना युवालाई गाउले नियन्त्रण लिएर प्रहरी बुझाएका छन्।
१३ वर्षीया र १४ वर्षीया युवतीलाई बलात्कार गर्न खोज्ने सोही स्थानका २२ वर्षीय अनिल चौधरीलाई स्थानीयले समातेर प्रहरीलाई बुझाएपछि पक्राउ गरिएको छ।
स्थानीयको सूचनालगत्तै वडा प्रहरी कार्यालय धनगढीका ईन्चार्ज प्रहरी निरीक्षक वकिलबहादुर सिंहको नेत्तृत्वमा गएको प्रहरी टोलीले चौधरीलाई पक्राउ गरेको हो।
तीन वर्ष अगाडि पनि पीडक चौधरीले जाली गाउमै एक घरमा गएर बलात्कारको प्रयास गरेका थिए। उक्त घटना गाउमै मिलापत्र गरी ढाकछोप गरिएको स्थानीयले बताएको छन्। बलात्कार गरेको भन्दै पीडक चौधरीलाई स्थानीयले कुटपीट गरी गाउँमै मिलाएका थिए।
एक जना युवती नुहाई रहेको र अर्की नुहाएको स्थान नजिकै बसिरहेका थिए। बसिरहेकी युवतीलाई खाना ल्याउन पठाएर नुहाई रहेकी युवतीलाई सुरुमा बलात्कार गर्न खोजेको र ती युवती चिच्याएपछि खाना लिन गएकी अर्की युवतीलाई समेत चौधरीले बलात्कार गर्न खोजेको प्रारम्भिक अनुसन्धानबाट खुलेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक हरिबहादुर वलीले जानकारी दिए।
दुई जना युवतीलाई बलात्कारको प्रयास गरेको सूचना स्थानीयले दिएपछि तत्काल चौधरीलाई पक्राउ गरी जिल्ला चलान गरिएको वडा प्रहरी कार्यालय धनगढीका ईन्चार्ज प्रहरी निरीक्षक वकिलबहादुर सिंहले बताए।
तत्काल खबर गरे अपराधीलाई सजिलैसंग पक्राउँ गर्न सहज हुने अभियान प्रहरीले संचालन गर्दै आए पनि प्रभावकारी हुन सकेको छैन।
प्रहरीको अभियानसँगै स्थानीयले घटना भएको लगत्तै प्रहरीलाई सूचना दिँदा कैलाली प्रहरीले अपराधीलाई पक्राउ गर्न सफल हुँदै आएको वडा प्रहरी कार्यालय धनगढीका ईन्चार्ज प्रहरी निरीक्षक वकिलबहादुर सिंहले बताए।
प्रहरीले दुई दिन अघि मात्र सोही गाँउमा अभियान संचालन गरी स्थनीयसँग छलफल गर्दै आपराधिक गतिविधि रोक्न सहयोग गर्नुपर्ने र कुनै पनि घटनालगत्तै प्रहरीलाई तत्काल खबर गर्न अनुरोध गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
