सुनिल शर्माको सचिवालयले भन्यो- प्रतिशोध साँध्न पक्राउ गरियो

राजनीति

नेपाल लाइभ बिहीबार, साउन २५, २०८० २१:११

काठमाडौं- केन्द्रीय अनुसन्धान ब्यूरो (सीआईबी) ले नक्कली डाक्टरमाथि चलाएको अपरेसनका क्रममा बिहीबार कांग्रेस सांसद सुनिल शर्मा पक्राउ परेका छन्। एकैदिन सीआईबीले सांसद शर्मासहित पाँच जना पक्राउ गरेको छ।

तर सांसद शर्मा पक्राउ प्रकरणमा उनको सचिवालयले संघीय संसदमा सुन तस्करीको विषयलाई लिएर अर्थमन्त्री र गृहमन्त्रीको राजीनामा माग गरेको कारण प्रतिशोध साँध्न पक्राउ गरिएको आरोप लगाएको छ। सांसद शर्माले केही दिनयता संसद र संसदबाहिर सुन प्रकरणको विषयलाई लिएर अर्थमन्त्री र गृहमन्त्रीको राजीनामा माग गरेका थिए।

संसदको अधिवेशन चालु रहेको अवस्थामा बहालवाला सांसदलाई सभामुखको बिना अनुमति र पक्राउ पुर्जी समेत जारी नगरी शर्मालाई पक्राउ गरिनु प्रजातन्त्रको मर्मविपरीत भएकाे उनकाे सचिवालयले बताएकाे छ। सत्ता र शक्तिको चरम दुरुपयोग गर्दै सुन तस्करलाई कारवाहीको माग राख्दै उठाइएको आवाजलाई दबाउने नियतले शर्मालाई पक्राउ गरिएकाे दाबी उनको सचिवालयको छ।

सरकारको यस गतिविधिको सशक्त प्रतिकार गर्न पनि विज्ञप्तिमार्फत आग्रह गरिएको छ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारविरोधी आन्दोलनको कार्ययोजना बनाउन नेकपा एसले बनायो कार्यदल

परराष्ट्रमन्त्री राणाले भेटिन् राष्ट्रसंघीय मानवअधिकार उच्च आयुक्त भल्कर टुर्कलाई

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल