राष्ट्रपति पौडेललाई भेटेर प्रधानमन्त्री दाहालले गरे इटाली भ्रमणको बिफ्रिङ

राजनीति

नेपाल लाइभ बिहीबार, साउन २५, २०८० २०:११

काठमाडौं- प्रधानमन्त्री पुष्पकमल दाहाल प्रचण्डले राष्ट्रपति रामचन्द्र पौडेलसँग भेट गरेका छन्।

भेटमा उनीहरूबीच समसामयिक राजनीतिका विषयमा छलफल भएको राष्ट्रपति पौडेलका प्रेस सल्लाहकार किरण पोखरेलले जानकारी दिए।

प्रधानमन्त्री दाहाल आज साँझ नियमित भेटघाटका क्रममा राष्ट्रपति कार्यालय पुगेका थिए । भेटमा प्रधानमन्त्री दाहालले राष्ट्रपतिसमक्ष विश्व खाद्य कार्यक्रमबारे ब्रिफिङसमेत गरे। प्रधाानमन्त्री दाहाल यही साउनको पहिलो साता इटालीमा संयुक्त राष्ट्रसङ्घको खाद्य तथा कृषि सङ्गठनको मुख्यालयले आयोजना गरेको कार्यक्रम सहभागी भइ फर्किएका थिए।

प्रेस सल्लाहकार पोखरेलले भने, 'प्रधानमन्त्री दाहाल इटालीमा आयोजित विश्व खाद्य कार्यक्रमबाट फर्किएयता राष्ट्रपतिसँग भेट भएको थिएन। आजको भेटमा राष्ट्रपतिले उक्त कार्यक्रमबारे जानकारी लिनुभयो।'

भेटमा राष्ट्रपति पौडेलले विशेषगरी संसद अवरोध,संक्रमणकालीन न्यायसम्वन्धी विधेयक , संघीय शिक्षा ऐन र सुन तस्करीमा एमालेले माग गरेको उच्चस्तरिय छानबिनबारे चासो राखेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारविरोधी आन्दोलनको कार्ययोजना बनाउन नेकपा एसले बनायो कार्यदल

परराष्ट्रमन्त्री राणाले भेटिन् राष्ट्रसंघीय मानवअधिकार उच्च आयुक्त भल्कर टुर्कलाई

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल