काठमाडौं- प्रधानमन्त्री पुष्पकमल दाहाल प्रचण्डले प्रस्तावित शिक्षा ऐनका विषयवस्तु परिवर्तन भएको भन्दै असन्तुष्टि जनाएका छन्।
बिहीबार एक कार्यक्रमलाई सम्बोधन गर्दै उनले यस्तो बताएका हुन्। ‘संघीय शिक्षा ऐन सुरुमा जस्तो थियो, फर्केर आउँदा त्यो त कयौं विषयस्तु त उल्टो खालको भएर झन् नेगेटिभ भएर आयो। हामीले सदनमा पठाउन खोजेको ऐनलाई पनि रोक्यौँ। त्यसलाई त सुधार नगरेर पठाउनु हुँदैन भन्यौँ,' उनले भने, ‘हामी त्यसको खोजीमा छौं। कसले यसो गर्यो त? कहाँबाट कुन ठाउँबाट यस्तो भयो भन्ने कुरा।'
उनले बजारमा र मिडियामा गलत हो भनेर आउने स्थिति बसरी बन्यो भन्नेबारे खोजी भइरहेको बताए। 'अर्कोतिर हामीले राम्रोसँग हेर्न पाएकै छैनौँ, बजारमा र मिडियामा त यो गलत हो भनेर आउने स्थिती कसरी बन्यो,' उनले भने, 'या त त्यो विषयमा कि त पार्टनरहरुको पहिले नै सल्लाह गरेर राय सल्लाह लिने हुनुपर्यो।’
उनले टुंगिएको विषय सरकारको हात भन्दा बजारमा कसरी पुग्यो भन्दै प्रश्न गरे। उनले वन ऐन संशोधनका क्रममा पनि झन् नकारात्मक भएर आएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
