पहिचानका लागि आदिवासी-जनजातिले अब धेरै पीडा सहनु पर्दैन : ओली

समाचार

नेपाल लाइभ बुधबार, साउन २४, २०८० १९:११

काठमाडौं- पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीले आदिवासी जनजातिले आफ्नो पहिचान झल्कने गरी नाम र थर लेख्न पाउनु प्रारम्भिक अधिकार भएको बताएका छन्।

अन्तराष्ट्रिय आदिवासी तथा जनजाति दिवसका सन्दर्भमा हुम्लाका युवाले आयोजना गरेको ‘हाम्रो संस्कृति तथा युवाका आवाज’ विषयक कार्यक्रम एमाले अध्यक्ष ओलीले आदिवासी जनजातिले अब धेरै पीडा सहनु नपर्ने बताए। हुम्लाका युवाहरुले आफ्नो पहिचान, संस्कृति र आवाज सधै ओझेलमा पर्ने गरेको गुनासो गरेपछि अध्यक्ष ओलीले त्यसको अपनत्व आफूले विगतदेखि लिदै आएको बताए।

हुम्ला बाहिरका मानिसका लागि हुम्लाका युवाहरुले त्यहाँको संस्कृति, भाषा, भेषभूषालाई विस्तार गरेको पनि अध्यक्ष ओलीको भनाइ छ। ओलीले हुम्लाको दुर्गमता हेरेको भन्दै स्वास्थ्य, शिक्षा, पूर्वाधार विकास, त्यहाँका समस्यालगायतका सन्दर्भमा आफूले काम गरेको स्मरण गर्दै आगामी दिनमा पनि सक्दो गर्ने र सम्बन्धित ठाउँमा पुर्‍याउने प्रतिवद्धता जनाए।

कार्यक्रममा हुम्लाका युवालाई रोजगारीको अवसर श्रृजना गर्न, समाज विकासको कार्यमा समावेश गर्न र युवालाई उद्यमी बनाउन सरकारले अभिभावकको भूमिका निर्वाह गर्न आग्रह गरेका छन्। हुम्लाको व्याशी, गोप्का न्यीन्बा, नाम्खा र लिमीका यूवाहरुको संयुक्त आयोजना तथा आधार नेपालको सहयोगमा भएको कार्यक्रममा हुम्लाको संस्कृति झल्कने विभिन्न प्रस्तुती पनि प्रस्तुत गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सर्लाहीमा मोटरसाइकल एकआपसमा ठोकिँदा २ जनाको मृत्यु

खाल्डोमा जमेको पानीमा डुबेर दुई बालकको मृत्यु

राष्ट्र बैंकको गभर्नरमा विश्व पौडेल नियुक्त