कलाको माध्यमबाट दुई भूगोल र समुदायलाई जोड्न सकिन्छ : तिमिल्सिना

समाचार

नेपाल लाइभ बुधबार, साउन २४, २०८० १७:३१

काठमाडौं- राष्ट्रिय सभाका अध्यक्ष गणेशप्रसाद तिमिल्सिनाले कलाको माध्यमबाट दुई भूगोल र समुदायलाई जोड्न सकिने बताएका छन्।

नेपाल सेन्टर इन्टरनेसनलले आयोजना गरेको क्रस कन्ट्री आर्ट एक्जिबिसनको काठमाडौंमा बुधबार उद्घटान गर्दै कला र साहित्यले इतिहासदेखि वर्तमानसम्म नै फरक भूगोल र समुदायलाई जोड्दै आएको धारणा राखेका हुन्।

कला प्रदर्शनीमा राखिएका कलाकृतिहरु साँच्चिकै सुन्दर र जीवन्त रहेको चर्चा गर्दै अध्यक्ष तिमिल्सिनाले देश र समाजको विविधता अनुसार नै कलाकृतिमा पनि विविधता भएको उल्लेख गरे।

एक देशले अर्को देशलाई, एकजातिले वा समुदायले अर्को जाति वा समुदायलाई बुझ्न र बुझाउन तथा इतिहासलाई वर्तमानसँग सामिप्यता गराउन पनि कला प्रदर्शनीको महत्व छ भन्दै अध्यक्ष तिमिल्सिनाले जनता-जनताको बीचमा सामिप्यता बढाउन र आपसी सम्बन्ध बिस्तार गर्न पनि प्रर्दशनीले सहयोग पुग्ने बिश्वास व्यक्त गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सर्लाहीमा मोटरसाइकल एकआपसमा ठोकिँदा २ जनाको मृत्यु

खाल्डोमा जमेको पानीमा डुबेर दुई बालकको मृत्यु

राष्ट्र बैंकको गभर्नरमा विश्व पौडेल नियुक्त