सुन तस्करी प्रकरणबारे वर्षमान भन्छन् - आरोप लाग्दैमा कोही अपराधी हुँदैन - नेपाल लाइभ :: नेपाल लाइभ :: Nepal Live

राजनीति

सुन तस्करी प्रकरणबारे वर्षमान भन्छन् - आरोप लाग्दैमा कोही अपराधी हुँदैन

नेपाल लाइभ बुधबार, साउन २४, २०८० १५:५७

फाइल तस्वीर

काठमाडौं- नेकपा माओवादी केन्द्रका उपमहासचिव वर्षमान पुन अनन्तले सय किलो सुन प्रकरणमा पार्टीका कोही पनि नेताको संलग्नता पुष्टि हुने आधार भए कानुनी कठघरामा उभिनुपर्ने बताएका छन्। छानबिनबाट दोषी प्रमाणित भए कारबाहीको भागेदार हुने बताउँदै उनले आरोप लाग्दैमा भने कोहीि अपराधी नहुने बताए।

बुधबार पार्टीको उपत्यका विशेष प्रदेशको जिम्मेवारी सम्हाल्ने क्रममा पार्टी मुख्यालय कोटेश्वर पेरिसडाँडामा आयोजित कार्यक्रममा उनले आरोप लाग्दैमा हो हो भनेर जान नहुने भनाइ राखे। ‘यदि कुनै पनि तहको नेताले गल्ती गरेको रहेछ र छानबिनले दोषी देखायो भने ऊ जान्छ’, उनले भने, ‘तर, आरोप लाग्दैमा कोही पनि अपराधी हुँदैन। आरोप लाग्दैमा हो हो भनेर जानु पनि हुँदैन।’

उक्त प्रकरणमा अहिले केन्द्रीय अनुसन्धान ब्युरो(सीआईबी)ले अनुसन्धान गरिरहेकाले तत्कालै नेकपा एमालेले माग गरेको विशेष समिति गठन गर्न नसकिने बताए। तर उक्त विकल्प भने बाँकी नै रहेको उनको भनाइ थियो।

यो पनि:

अबका निर्वाचनमा विदेश बस्ने नेपाली निर्णायक हुनेछन् : वर्षमान पुन

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्यासल खेल मैदान मर्मत गर्न दुई करोड लाग्ने

वर्षा कुँवरलाई ‘मिसेस ब्यूटी क्वीन’को उपाधि

रवि लामिछाने चितवन अदालतमा उपस्थित