एजेन्सी- इटालीमा डुंगा पल्टिँदा चोर बाटो भएर युरोप छिर्न लागेका ४१ अफ्रिकन नागरिकको मृत्यु भएको छ। इटालीको लाम्पेडुसा टापुमा सोमबार डुंगा पल्टिएको हो।
दुर्घटनामा ४ जनाले ज्यान जोगाएका छन्। बचेका उनीहरूले बुधबार स्थानीय सञ्चार माध्यमलाई घटनाबारे जानकारी दिएका हुन्।
दुर्घटनाबाट जोगिएका आप्रवासीहरूले उद्धारकर्तालाई आफू ट्युनिसियाबाट डुङ्गा चढेर इटाली गएको बताए। यी चार आप्रवासी आइभोरी कोस्ट र गिनीका बासिन्दा हुन्। उनीहरू बुधबार लाम्पेडुसा पुगेका थिए।
यो वर्ष अहिलेसम्म उत्तर अफ्रिकाबाट युरोप जाने क्रममा १ हजार ८ सयभन्दा बढी मानिसले ज्यान गुमाएका छन्।
ट्युनिसियाका अधिकारीका अनुसार ट्युनिसियाको स्फ्याक्स बन्दरगाह सहर लाम्पेडुसाबाट १३० किलोमिटर टाढा रहेको छ। र यो अवैध आप्रवासीहरूका लागि प्रमुख ट्रान्जिट पोइन्ट हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
