सीआईबीले गरेन भने अनि बल्ल प्रश्न गर्नुुस्, अहिले काम गर्न दिनुस् : गृहमन्त्री श्रेष्ठ

राजनीति

नेपाल लाइभ मंगलबार, साउन २३, २०८० १८:२४

काठमाडौं– सुन तस्करी प्रकरणबारे अहिले नै आयोग बनाइहाल्नुपर्ने अवस्था नरहेको उपप्रधान तथा गृहमन्त्री नारायणकाजी श्रेष्ठले बताएका छन्। मंगलबार प्रतिनिधि सभामा जवाफ दिँदै उनले यस्तो बताएका हुन्।

अहिले सीआईबीले अनुसन्धान गरिरहेकाले प्रश्न गर्ने ठाउँ नभएकाे उनले बताएका छन्। यसअघिका आयोगको काम पनि देखिएका त्यसको औचित्य समेत नेदेखिएको उनको भनाइ छ। अहिले सीआईबीले अनुसन्धान गरेकाले सीआईबीमाथि विश्वास गर्न उनले आग्रह गरे।

भोलि यदी सीआईबीले काम गर्न सकेन भन्े बल्ल प्रश्न गर्ने ठाउँ रहने अहिले नै प्रश्न नगर्न उनले आग्रह गरे।

सीआइबी यो अनुसन्धानका लागि काबिल रहेको उनको भनाइ थियो। 'उच्चस्तरीय छानविन बनाएर किन नगर्ने? पहिले पनि बनेका संसदीय समितिको प्रतिवेदन पनि हेरौँ त। सरकारले बनाएको आयोगले ३३ किलो सुनको एक ग्राम पनि पत्ता लगाउन सकेन। त्यसैले राज्यका संयन्त्रलाई नै जिम्मा दिनुपर्छ।'

उनले ६० दिनमा २० दिन राजश्व अनुसन्धान विभागले लिइसकेको बताउँदै बाँकी दिन सीआईबीले काम गर्ने बताए। उनले थपे, 'सीआइबीका लागि भएका ४० दिनमा ५ दिन सरकारी वकिल कार्यालयले लिन्छ। अब सीआईबीले ३५ दिन काम गर्छ र पहिचान गर्छ। त्यो भएन भने बहस गरौं न। कुनै समितिको प्रतिवेदन लागु गर्ने र नगर्ने व्यथामा किन जाने? त्यहाँ अपराधी लुकाउने दुर्नियत देखियो भने नयाँ शिराबाट जानु उपयुक्त होला नि।'

उनले दोषी कुनै पनि हालतमा नउम्किने बताए। सरकारप्रति अविश्वास रहँदैमा समानान्तर सरकार बनाउन नसकिने भन्दै प्रतिपक्ष नेकपा एमालेप्रति उनले कटाक्ष गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्यासल खेल मैदान मर्मत गर्न दुई करोड लाग्ने

वर्षा कुँवरलाई ‘मिसेस ब्यूटी क्वीन’को उपाधि

रवि लामिछाने चितवन अदालतमा उपस्थित