दाङ जाँदै गरेको बस रोल्पामा दुर्घटना : ४ जनाको मृत्यु, १९ घाइते

समाज

नेपाल लाइभ मंगलबार, साउन २३, २०८० १८:१३

काठमाडौं- रोल्पाको बागमाराबाट दाङको घोराहीका जाँदै गरेको बस दुर्घटना भएको छ। दुर्घटनामा परी ४ जनाको मृत्यु भएको छ भने १९ जना घाइते भएका छन्।

शहिदमार्ग अन्तर्गत रोल्पाको त्रिवेणी गाउँपालिका–७ गैरीगाउँस्थित रिचि गाउँको सडक खण्डमा मंगलबार बस दुर्घटना भएको हो ।

प्रहरीका अनुसार मंगलबार मध्याह्न सवा १ बजेतिर ना ५ ख २६१२ नम्बरको बस रिचि सडकबाट करिब १ सय ५० मिटरमुनि खोल्सोमा खसेको हो ।
दुर्घटनामा मृत्यु हुने र घाइतेहरूको पहिचान भएको प्रहरीले जनाएको छ। घाइतेहरूलाई थप उपचारका लागि अस्पताल लगिएको हो ।

घाइते अवस्थामा भेटिएका बसका चालक दाङको घोराही उपमहानगर–१२ हापुरका २४ वर्षीय हुमराज बस्नेतलाई प्रहरीले नियन्त्रणमा लिएको छ ।

यी हुन घाइतेहरू:
रोल्पाको माडी–६ का १४ वर्षीय नवीन बुढामगर
रोल्पा त्रिवेणी–७ छम्पासुनारीका ६२ वर्षीय कमानसिंह सुनार
रोल्पा नगरपालिका–६ दारबोटका २५ वर्षीय कमानसिंह घर्तीमगर
रोल्पा माडी–४ का ९ वर्षीय मिलन डाँगी
रोल्पा माडी–६ कोर्चाबाङका १५ वर्षीय मुकेश पुन
रोल्पा माडी–२ घर्तीगाउँका २० वर्षीय जितेश बाठा
रोल्पा माडी–७ का २३ वर्षीया हिमानी घर्तीमगर
र उनको छोरा ११ महिनाको ओल्सन घर्तीमगर
यसैगरी रोल्पा माडी–४ का २२ वर्षीया कबिता खड्का
र उनका छोरा ५ वर्षीय युस खड्का
माडी–४ की २६ वर्षीया मीना डाँगी
रोल्पाको माडी–२ घर्तीगाउँकी २८ वर्षीया तिरपना बाठा
रोल्पाको परिवर्तन–३ की २४ वर्षीया खुम्बु बुढा
रोल्पापको त्रिबेणी–२ नुवागाउँकी १७ वर्षीया पूर्णिमा बुढा
रोल्पा त्रिवेणी–२ कै १३ वर्षीया सुस्मिता बुढाा
रोल्पाको माडी–२ की ४० वर्षीया बिर्जना घर्तीमगर
रोल्पाको माडी–२ घर्तीगाउँका २४ वर्षीय कमल खड्का
रोल्पा नगरपालिका–६ दारबोटका २४ इन्द्रकुमार घर्तीमगर
दाङस्थित घोराही उपमहानगर–१२ हापुरका बसका चालक २४ वर्षीय हुमराज बस्नेत

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मानसिक स्वास्थ्य जागरूकता महिनाका अवसरमा युवा लक्षित मानसिक स्वास्थ्य कार्यशाला

सिग्मा कलेजको क्यान्टिनमा आगलागी

आज स्वदेश फर्किँदै नेपाली महिला राष्ट्रिय टोली