अमरेश सिंहको दाबी- विदेशी हस्तपक्षेप आर्मी र अदालतमार्फत् आउँछ

राजनीति

नेपाल लाइभ मंगलबार, साउन २३, २०८० १७:५४

काठमाडौं- सांसद् अमरेसश सिंहले विदेशी हस्तक्षेप आर्मी र अदालतको बाटो हुँदै आउने बताएका छन्। मंगलबार प्रतिनिधिसभा बैठकमा उनले भ्रष्टाचारका नाउँमा र आर्मीमार्फत् विदेशीहरू आएर भ्रष्टाचारको अन्त्य गराउने उनको भनाइ छ।

अहिले नेताहरूप्रति जनताको विश्वास घटिरहेको बताउँदै यसले विदेशी हस्तक्षेप बढ्ने बताएका छन्। उनले भने, 'अहिले दलहरूले जति चोचो मिलाइरहेका छन्। यो भागशान्ति केही समयका लागि हो। नेपाली नेताप्रति जनतको विश्वास घटिरहेको छ। देशप्रति विश्वास घटिरहेको छ। यो विदेशीको हस्तक्षेपको कारण बन्छ। जहिले पनि विदेशी अदालत र आर्मीको थ्रु आउँछ। यही सिन्डिकेटको हातमा रहन्छ भन्ने नसोचेपनि हुन्छ।'

उनले भुटानी शरणार्थी प्रकरण यहाँसम्म पुग्नुको कारण विदेशी भएको बताए। उनले सुनको बारेमा पनि सूचना विदेशबाटै आएको उल्लेख गरे। उनले भने, 'सरकारले यस्तो गर्‍यो भनेर धेरै खुशी नभएपनि हुन्छ। विदेशीको अनुसन्धान र दबाबमा यहाँ पुगेको हो। स्वतस् प्राकृतिक र सरकारको मात्रै बलबुताले होइन। सुनकान्ड विदेशीको सूचनाका आधारमा पक्राउ परेको हो।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मानसिक स्वास्थ्य जागरूकता महिनाका अवसरमा युवा लक्षित मानसिक स्वास्थ्य कार्यशाला

सिग्मा कलेजको क्यान्टिनमा आगलागी

आज स्वदेश फर्किँदै नेपाली महिला राष्ट्रिय टोली