एमालेलाई देवेन्द्र पौडेलको प्रश्न : सरकारमा आएपछि सीआईबी र राजश्वलाई कसरी विश्वास गर्नुहुन्छ?

राजनीति

नेपाल लाइभ मंगलबार, साउन २३, २०८० १७:०५

काठमाडौं– नेकपा माओवादी केन्द्रका सांसद देवेन्द पौडेलले एउटा निकायले गरिरहेको काम अवरोध गर्नेगर्ने अर्को छानविन समिति बनाउन नसकिने बताएका छन्। उनले सुन तस्करी प्रकरणमा अहिले नेपाल प्रहरीको केन्द्रीय अनुसन्धान ब्युरो (सीआईबी)ले छानविन गरिरहेको र त्यसमाथि छानविनका लागि अर्को समिति गठन हुदाँ उसको अनुसन्धान अवरोध हुने दावी गरे।

एमालेले अहिले सीआईबी र राजश्व अनुसन्धान विभागमाथि प्रश्न उठाएको तर एमालेकै सरकार निर्माण भएको अवस्थामा ती निकायमाथि के गर्ने भनी उनले प्रश्न गरे। उनले कुनै समय नेकपा एमाले सरकारमा भयो भने सीआईबी र राजश्व अनुसन्धान विभागमाथि विश्वास नगर्ने हो भनी उनले जवाफ मागे।

यी निकायहरुले काम गरिरहँदा निष्कर्षमा नपुगी अर्को समिति बनाउँदा बाधा पुग्दैन भनि उनले प्रश्न गरे। एउटा डाक्टरले सर्जरी गरिरहेको अवस्थामा अर्को डाक्टर प्रवेश गरेमा के होलाा भन्दै उनले सुन प्रकरणमा पनि यस्तै हुने दावी गरे।

एउटा निकायले गरेको काम निष्कर्षमा पुगेपछि मात्र प्रश्न उठाउन प्रतिपक्षलाई उनले आग्रह गरे।

मिलेर यस प्रकारका छानविन गर्नुपर्ने भन्दै यसमा एकपछि अर्को निकायलाई काम गर्न दिनुपर्ने उनले तर्क गरे। उनले ट्रान्सपरेन्सी इन्टरनेसनलको प्रतिवेदनले नेपाललाई नकारात्मक सूचीमा प्रस्तुत गरेको भन्दै यसमा सबै मिलेर छानविन गर्नुपर्ने बताए।

सरकारलाई सहयोग गर्दै सुझाव दिनुपर्ने भन्दै उनले प्रतिपक्षले पनि आफ्नो भूमिका निभाउनुपर्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्यासल खेल मैदान मर्मत गर्न दुई करोड लाग्ने

वर्षा कुँवरलाई ‘मिसेस ब्यूटी क्वीन’को उपाधि

रवि लामिछाने चितवन अदालतमा उपस्थित