अत्यधिक गर्मी बढेपछि समुद्र र जंगलतिर गएर बस्न थाले इजरायलीहरू

विश्व

नेपाल लाइभ मंगलबार, साउन २३, २०८० १३:५३

काठमाडौं- दक्षिण पश्चिम एसियाली देश इजरायल अहिले प्रचण्ड गर्मीको चपेटामा छ।

बढ्दो तापक्रमले आजित इजरायलीहरु जोखिम मोलेर पानी खोज्दै गर्मीको सामना गरिरहेको छन्। चर्को गर्मीबाट राहतको खोजीमा देशैभरका मानिसहरु प्राकृतिक पानी मुहान, सार्वजनिक समुद्री किनार र झरनामा पुगिरहेका छन्। उत्तरी इजरायलको राष्ट्रिय निकुञ्ज, गान हशालोशा जंगलमा अहिले भिड लागेको छ। यहाँ पानी प्रसस्त छ। तापक्रम वर्षभरि स्थिर रुपमा २८ डिग्री सेल्सियस रहने भएकोले धेरै मान्छे यहाँ पुग्छन्।

राष्ट्रिय निकुञ्जहरूका अतिरिक्त, पश्चिममा भूमध्यसागर, उत्तरमा ग्यालिल सागर, जुन ताजा पानीको ताल हो, साथै शहरहरूमा असंख्य फोहराहरू पनि मानिसहरू झुमिरहेको देख्न सकिन्छ।

गर्मीको लहरको बीचमा, इजरायलको स्वास्थ्य मन्त्रालयले सामान्य जनता र विशेष गरी वृद्ध जनसंख्या र दीर्घकालीन रोगका बिरामीहरूलाई होसियार रहन र सकेसम्म गर्मी र घामको सम्पर्कबाट बच्न आग्रह गरेको छ। अनावश्यक शारीरिक परिश्रमबाट बच्न र धेरै पानी पिउन अनुरोध गरिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे ३ वर्षपछि पहिलो पटक राप्रपा कार्यालय पुगे कमल थापा

कम्युनिष्ट पार्टीहरु एक ठाउँमा आउनुपर्छ : महासचिव वैद्य

गर्मी बढेसँगै सर्पको बिगबिगी