काठमाडौं– आज (सोमबार) संघीय संसद्का दुवै सदनको बैठक बस्दैछ। तल्लो सदन (प्रतिनिधि सभा) बैठक दिउँसो १ बजे र माथिल्लो सदन (राष्ट्रिय सभा) बैठक दिउँसो १:१ बस्ने गरी समय निर्धारण भएको छ।
यसअघि प्रतिनिधि सभा बैठक साउन १० गते बसेको थियो। राष्ट्रिय सभा बैठक साउन १८ गते बसेको थियो। त्रिभुवन अन्तर्राष्ट्रिय विमानस्थलको भन्सारबाट जाँचपास भएर बाहिरिएको तस्करीको १ क्विन्टल सुन बरामद प्रकरणले पछिल्लो समय संसद्का दुवै सदनका बैठकहरु प्रभावित हुँदै आएका छन्।
प्रमुख प्रतिपक्षी दल नेकपा एमालेले सुन तस्करी प्रकरणको छानबिनका लागि उच्चस्तरी समिति गठन गरिनुपर्ने माग गर्दै सदन अवरुद्ध गर्दै आएको छ। एमालेले प्रतिनिधि सभाको साउन १० गतेको बैठकमा उच्चस्तरीय समिति गठनको माग गर्दै अवरोध सिर्जना गरेको थियो।
एमालेको अवरोधपछि साउन १० गतेको बैठक स्थगित गर्दै सभामुख देवराज घिमिरेले अर्को बैठक साउन १५ गते, सोमबार बस्ने जानकारी दिएका थिए। साउन १५ गते बस्दै नबसी अर्को दिन (साउन १६ गते, मंगलबार)का लागि बैठक सारियो। मंगलबार पनि बैठक बसेन।
सूचना टाँस गरेर नै प्रतिनिधि सभा बैठक १ हप्ताका लागि सारिएको थियो।
राष्ट्रिय सभा बैठक भने साउन १८ गते, बिहीबार बसेको थियो। उक्त बैठकमा एमालेले सुन तस्करी छानबिनको लागि उच्चस्तरीय समिति गठनको माग गर्दै अवरोध सिर्जना गरेको थियो। एमालेको अवरोधपछि राष्ट्रिय सभाका अध्यक्ष गणेश प्रसाद तिमिल्सिनाले साउन २२ गते सम्मका लागि बैठक स्थगित गरेका थिए।
आज (सोमबार) बस्ने प्रतिनिधि सभा बैठकका लागि सम्भावित ६ वटा कार्यसूची रहेका छन्। यस्तै, राष्ट्रिय सभा बैठकका लागि सम्भावित ४ वटा कार्यसूची रहेका छन्।
सुन तस्करी प्रकरणको अनुसन्धानमा एमालेले उच्चस्तरीय छानबिन समितिको माग गरे पनि सरकारले भने अपराध अनुसन्धानका लागि स्थापित नियकाबाटै अनुसन्धान हुने बताउँदै आएको छ। यसअघि पनि सुन तस्करी प्रकरण लगायतका अपराध अनुसन्धानमा उच्चस्तरीय समिति बनेको, तर त्यस्ता समितिको अनुसन्धानले प्रतिफल दिन नसकेकाले राज्यका स्थापित निकायबाटै अनुसन्धान हुने सरकार पक्षको दाबी छ।
त्रिभुवन अन्तर्राष्ट्रिय विमानस्थलको भन्सारबाट जाँचपास भएको झन्डै १०० किलो सुन राजस्व अनुसन्धान विभागको टोलीले साउन २ गते भन्सार कार्यालयको गेट बाहिरबाट बरामद गरेको थियो। मोटरसाइल र स्कुटरको ब्रेक सुमा मोरेर ल्याइएको सुन ट्याक्सीमा राखेर गन्तव्यतर्फ लैजाँदै गर्दा विभागको टोलीले बरामद गरेको थियो।
तस्करी प्रकरणमा राजस्व अनुसन्धान विभागले नै सुरुवाती अनुसन्धान गरेकोमा पछिल्लो समय प्रहरीको केन्द्रीय अनुसन्धान ब्यूरो (सीआईबी)ले अनुसन्धान थालेको छ। सीआईबीले अन्तरदेशीय तथा संगठित अपराधको कसुरमा अनुसन्धान अगाडि बढाएको छ। राजस्व अनुसन्धान विभागले सीआईबीले अनुसन्धानको फाइल पनि हस्तान्तरण गरिसकेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1740628788.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
