एजेन्सी- पाकिस्तानी पूर्वप्रधानमन्त्री इमरान खानलाई भ्रष्टाचार मुद्दामा तीन वर्षको जेल सजाय सुनाइएको छ। शनिबार इस्लामावादको जिल्ला तथा सत्र अदालतले खानलाई तोशाखाना मुद्दामा दोषी ठहर गर्दै तीन वर्षको जेल सजाय र एक लाख रुपैयाँ जरिवाना तोकेको हो।
अदालतको फैसलापछि खानले आफू निर्दोष रहेको भन्दै पुनरावेदनमा जाने बताएका छन्। फैसलापछि उनलाई लाहोरस्थित उनको निवासबाट पक्राउ गरिएको छ।
खान पक्राउ परेपछि अदालतको निर्णय पक्षपाती भन्दै इमरानको पार्टी तेहरिक-ए-इन्साफले अदालतको निर्णयविलाई चुनौती दिने बताएको छ। न्यायाधीशले न्यायको हत्या गरेको भन्दै उक्त निर्णयको विरोध गर्ने पार्टी प्रवक्ताले विज्ञप्ति जारी गर्दै बताएका छन्।
अदालतको फैसलापछि अब खान पाँच वर्षसम्म निर्वाचनमा सहभागी हुन अयोग्य ठहरिने पाकिस्तान निर्वाचन आयोगका वकिल अमजद परवेजले बताएका छन्।
खान सन् २०१८ मा पाकिस्तानको प्रधानमन्त्रीमा निर्वाचित भएका थिए। तर २०२२ अप्रिलमा उनीविरुद्ध अविश्वासको प्रस्ताव दर्ता भयो। विश्वासको मत प्राप्त गर्न नसकेपछि उनी अपदस्त भएका थिए। कुल ३४२ सदस्यीय सदनमा प्रस्तावको पक्षमा १७४ सदस्यले मतदान गरेका थिए।
शनिबार खानलाई अदालतले ३ वर्षको सजाय सुनाएपछि अभियोजन पक्षका वकिलहरू समेत रहेको भिडले अदालत बाहिर 'इमरान खान चोर हो' नारा लगाएका थिए।
अप्रिल २०२२ मा पदबाट हटाइएपछि खानविरुद्ध १०० भन्दा बढी उजुरी परेका थिए। खानले भने ती सबै आरोप अस्वीकार गर्दै राजनीतिकरण गरिएको बताउँदै आएका थिए।
गत मेमा अदालतको अवहेलना गरेको भन्दै उनलाई पक्राउ गर्ने प्रयास गरिएको थियो। तर उनका समर्थकले प्रदर्शन गरेपछि उनलाई प्रहरीले पक्राउ भने गर्न सकेको थिएन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747928853.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
